2016年12月15日星期四

【試用分享】呵護幼嫩肌膚 - 寶絲洗衣液+金紡低敏柔順劑

15 DECEMBER 2016(THU)

我成日話濕疹係一個富貴病, 因為除左飲食要好小心之外,平日嘅衣著都一定要格外留神,全棉質衣服當然唔走得,就連洗衣用品都一樣要用低敏配方,咁先唔會令返濕疹依個壞朋友嚟搞住小小豬嘛~
 
由細到大小小豬啲衫同我都係分開洗,亦都用一啲專為敏感肌膚而設嘅洗衣粉,直至到依家六歲,我都仍然係用依個做法,因為衣服著上身咁貼近皮膚,一定要小心睇住,真係好驚佢啲濕疹朋友,一嚟嘅話全家都冇覺好瞓都幾淒涼, 都係以不變應萬變為上策。

但老實講,我用緊嘅日本品牌低敏配方洗衣粉個價格都真係幾貴,細細盒都要成百幾蚊,雖然話為咗小小豬健康安全,依啲錢就唔慳得,但亦都因為小小豬越來越大個,佢嘅破壞力就越嚟越強,啲衫嘅污漬就越嚟越勁(其實真係唔明白點解每日放學啲衫可以咁污糟),所以都係時候要認真考慮同佢換啲大個仔嘅洗衣用品,既可以保護依隻濕疹豬,我又可以慳少少之餘,仲可以對乎頑強污漬。 

其實坊間都有好多唔同嘅品牌,睇到我都15 /16, 唔知試邊個牌子好。剛好收到公關姐姐使用嘅邀請,之後我就上網做過功課,知道「寶絲低敏洗衣液」及「金紡親親BB精華柔順劑」都係低敏配方嘅洗衣產品,而且經皮膚測試驗證,無添加香料色素,無化學殘留,減低過敏困擾 ,所以就試下啦~
 
《第一步洗衣》:Persil寶絲低敏洗衣液~
 
而且更榮獲「親子王國2014父母最愛嬰幼兒洗護衣物品牌」添~
 
每次洗衫只須落一個樽蓋份量就足夠~
 
《第二步護衣》:Comfort金紡親親BB精華柔順劑~
 
每次係最後過水嘅時候,我就會將3/4瓶蓋金紡抑菌防護衣物柔順劑,直接倒入洗衣位置~
 
係洗衫過程聞到陣陣清香氣味,晾曬時仲更加嗅到香噴噴添~
 
我發覺依個去污度都唔錯,係我冇另加任何去污漬產品下,衣物都好乾淨。另外,衣物都非常柔軟,而且氣味都維持好耐,最重要係小小豬不知幾鐘意依個味,著住不停話自己好香呀~
 
經過今次試用,除左覺得效果唔錯之外,最重點係小小豬著洗過嘅衣服,皮膚都冇唔舒服,壞朋友又冇嚟探佢,所以我都好放心,而且價錢又大眾化,睇嚟我都會繼續用Persil加Comfort嚟洗小小豬啲衫啦!


More Information :
Facebook:https://www.facebook.com/persilhk/




**我地的FACEBOOK PAGE,齊齊來交流親子。育兒。烹飪啦**
Picture

沒有留言:

發佈留言