【好味食唔停】The Maple Mania 楓糖系列

25 DECEMBER 2016(SUN)

謝謝 The Maple Mania 為我家送上超合時嘅聖誕禮物，最新推出嘅楓糖布丁同埋楓糖金磚蛋糕，靚女姐姐仲親自拎嚟俾我地…So Sweet~

 

其實之前我都見識過THE MAPLE MANIA嘅招牌楓糖年輪蛋糕，因為有朋有曾經遊日後買返嚟俾我地做手信，當時我只係分到一件，食落又幾好食，好令人回味添！ 

原來七月嘅時候THE MAPLE MANIA已經登陸香港，除左招牌楓糖年輪蛋糕之外，仲有另一人氣產品楓糖牛油曲奇，兩樣都同樣大受歡迎。 

今個冬天THE MAPLE MANIA就推出兩款全新產品楓糖布丁同埋楓糖金磚蛋糕，我家真係勁有口福，可以嚐新口味呀~

 

楓糖金磚蛋糕~ 

 

一打開包裝袋就已經傳嚟好香嘅楓糖味，口感超鬆軟而且楓糖味好濃郁，味道唔會太甜，食落仲帶有少少點焦香味，真係可以話食唔停口，因為轉眼間就俾我地三口子KO晒啦(今次又嚟肥幾磅了)~ 

 

睇小小豬食楓糖金磚蛋糕個得戚樣就知佢食得有幾咁滋味啦~ 

 

楓糖布丁~ 

 

一聽個名初時都以為係凍(又嚟大鄉理真失禮)，原來依個係日本皇室家族嘅上等甜點嚟呀。佢採用加拿大魁北克省楓糖製造，配以北海道出産嘅鮮忌廉同埋牛油，所以質感就可以非常香滑。而且仲附送楓糖漿食用，可以隨個人喜好調節甜度添~

 

楓糖布丁再加上楓糖漿，完全係令人難以停口，佢入口係帶有點甜，不過就完全冇"漿"喉感覺，而再佢口感超滑，就好似啲布丁“SIR”入喉嚨嘅感覺，真係十個正呀~ 

 

見到我食到嘩嘩聲，小小豬又點會唔嚟食埋一份呢？佢又嚟自己吱楓糖漿，之後密密食呀~ 

 
認真的....我同小小豬都已經愛上左楓糖布丁，依隻為食豬仲叫我快啲再去買俾佢食，佢話有100分好味哦。哈哈哈....其實我自己都好排住個味道，所以下次去開旺角朗豪坊，一定要帶買返屋企再歎過呀！ 

依家The Maple Mania仲贊助20份9片裝楓糖牛油曲奇俾我，等我地可以係新一年可以同大家齊齊分享快樂。如果大家有興趣就入嚟小小豬的成長專頁參加啦(請按此)！


More Information :
Website：http://honeysucrey.com/
Facebook：https://www.facebook.com/themaplemaniahk/

**我地的FACEBOOK PAGE，齊齊來交流親子。育兒。烹飪啦**