2017年1月27日星期五

【澳門親子之旅】澳門燒灰爐公園玩電動車

26 JANUARY 2017(THU)

玩完天鵝水上單車之後(按此重溫),我地就轉戰陸地,帶小小豬去玩轉電動車啦~

其實我初時都冇特定安排依個活動,當我地離開天鵝碼頭時,那位管理員叔叔問我地係咪準備去玩電動車(可能見到我地啲行李,知我地係遊客)。車控豬一聽到個車字,對眼就即刻發光咁,然後細問之下,原來那個燒灰爐公園離南灣湖畔都好近,行過都唔洗十分鐘,所以就帶小小豬去玩一轉啦!

原來又真係好近,我地沿住南灣湖畔面向旅遊塔方向行~ 
之後左手邊就有一條馬路,行過去就可以見到個公園入口啦~ 
雖然電動車場唔算大,不過就勝在可以一眼望晒,咁就可以安心咁俾小朋友自己係入面風池一番。而且場內有交通燈(雖然已經係唔識著..哈哈哈),地又有路標指示,所以各位小朋友都可以渣車車特別投入呀~ 
每15分鐘就只係需要5蚊葡幣(我俾港幣佢都接受),真係超抵玩啦~ 
場內都有7-8部車可以俾小朋友選擇,不過如果好似小小豬咁係大個仔,就只有2部啱渣,所以小小豬都等左一陣先可以落場踩返幾轉呀~ 
電動車就唔算新(我見有幾部都有少少爛),不過我想見在場每位小朋友都玩得不知幾開心,應該都唔會介意的。控制都好容易,只要靠腳踏住個開制,然後就可以配合前波和後波,快速和慢速調較。所以識踏制就可以玩,我估3-6歲小男生嚟一定好興奮呀~
地方雖然唔大,不過就有七位職員當值,我當日現場所見,佢地一見小朋友渣車有小困難時,佢地都會即刻上前幫忙,真係貼心呢!(估唔到只係5蚊都可以有咁好服務真係要俾個LIKE呀)

電車場旁仲有一些兒童玩樂設施,不過小小豬就鐘情於渣車車,所以冇玩到~
不過,唔知點解每次見到啲石春路,依個小小豬都總係去行一轉,真係俾佢笑C呀~
整個公園地方都唔算大,不過勝在唔會迫迫多人環境幾舒服尤其係車控小朋友就一定鐘意,小小豬都渣左兩次車,唔係同佢講約左舅父,佢都唔願走呀!

 
**我地的FACEBOOK PAGE,齊齊來交流親子。育兒。烹飪啦**https://www.facebook.com/kinseymama/
 

沒有留言:

發佈留言