2017年2月28日星期二

【清熱滋養】西洋菜響螺瘦肉湯

28 FEBRUARY 2017(TUE)

尋晚買左啲西洋菜打邊爐,不過因為買太多食唔晒,咁就緊係留嚟煲湯。見屋企又有幾隻急凍響螺,所以就只係買少少瘦肉,所以就嚟一個清熱滋養嘅西洋菜響螺瘦肉湯啦~

西洋菜湯就可以清熱潤肺,螺頭就係滋陰,加埋一齊煲湯就可以帶出鮮甜

2017年2月27日星期一

【試用分享】Ankel Marni - MESO Therapy 5天白滑針

27 FEBRUARY 2017(MON)

雖然我係全職傻媽,但都係好想成日以靚靚示人嘛,有機會扮靚有邊個唔想?

謝謝Supermami為我安排,今次可以試用到Ankel Marni嘅皇牌產品 - MESO Therapy 5天白滑針(非注射式)~
 

2017年2月25日星期六

【我係小廚師】烘焙教室整CUPCAKE

25 FEBRUARY 2017(SUN)

之前我都間中同小小豬嚟整下親子廚房,不過蛋糕就比較少,因為我成功幾會唔多,加上整完又一大堆善後工作,所以整整下就冇乜整蛋糕了。今日應邀請嚟J-Plus學整甜心蛋糕,我又可以嚟偷師啦~
 

2017年2月24日星期五

【愛心午餐】小小豬的第六周愛心便當

24 FEBRUARY 2017(FRI)

又嚟到每星期我寫得最順心又開心嘅文章,就係每周小小豬嘅愛心便當,唔覺唔覺就已經嚟到第六周啦~
 
上星期就因為自已唔舒服,所以冇乜整公仔便當俾小小豬,估唔到今個星期都係冇乜整,唔係因為我未病好,只係因為有個小朋友依排進餐時非常唔乖,極度不專心咁食,所以就激嬲媽咪,咁就冇公仔便當啦!

2017年2月23日星期四

【潤肺防咳】海底椰蘋果茶

23 FEBRUARY 2017(THU) 

屋企有兩粒大大嘅蘋果,見到佢地就總會令我諗用嚟煲涼茶,於時我就買埋海底椰再加埋鮮百合,就煲一個海底椰蘋果茶啦~

海底椰同鮮百合一樣都係有止咳潤肺之功效;蘋果可以潤肺、生津解毒及益氣和胃,所以三樣加埋就可以潤肺防咳。最好就係煲出嚟係超級清甜,真係大人同小朋友都啱飲呀! 

2017年2月22日星期三

【舒緩咳嗽】紅糖薑茶

22 FEBRUARY 2017(WED)

唔知係咪依排一早一晚都有啲涼風,所以一向氣管唔多好嘅小小豬都會早晚都會咳。咁佢嘅咳又唔係話好嚴重,但一聽到佢咳得密密時,都總係帶點心痛。

原本打算去買桔餅煲湯俾小小豬飲,不過同學仔媽媽就介紹左我一個快、靚、正方法,屋企又有齊材料,所以就試下煲依個紅糖薑茶啦~
 
其實我都知小小豬唔係病嗰一種咳,可能係早晚溫差開始轉大,俾風吹入身體(尤其係頸部,所以要好好為頸部保暖呀),再加上平日又多食生冷嘢,所以就引起咳嗽誘因。

紅糖薑茶就可以保暖身體及止咳平喘,而且都只係用屋企都會有嘅簡單材料就得,最好就係時間唔耐,只係需要15-20分鐘就完成。 

2017年2月20日星期一

【試用分享】VidaPerla 敷健寶「眼臉敷墊」

20 FEBRUARY 2017(MON)

早前公關姐姐為我送上一件美容小玩意 - VidaPerla敷健寶「眼臉敷墊」,我平日眼晴都好容易成日攰又或者唔夠瞓眼睛就會眼腫腫,依個小玩立意又好似幾啱用哦,就等我同大家分享下小小嘅試用效果啦~
 
VidaPerla敷健寶嘅「眼敷墊」及「眼敷墊」系列蘊含獨特的Therapy Pearl,採用先進創新的「冷熱雙效深層滲透」技術,有效滲透至肌肉組織層,以復元健康肌膚機能。適用於各類肌膚,並通過安全測試、無毒、無污染,並獲CE歐洲合格認證及美國FDA認可為安全有效。

2017年2月19日星期日

【試用分享】補身之選 - 晨露滴雞精

19 FEBRUARY 2017(SUN)

我其實係好鐘意飲湯,所以就成日都煲唔同嘅湯水俾我家兩位老細。雖然一星期都總有一至兩次,但大部分都係為佢地而設,有時想煲啲啱女性嘅湯水,佢地都唔多鐘意飲,所以都少左俾自己補身嘅機會。

今次得到晨露滴雞精邀請體驗,正好為我嚟一個補身機會啦~  
其實我參加今次體驗活動,除左想用晒簡單方法為自己補補身之外,我亦都有一個任務,就係為小小豬準備升級做表哥仔,孕婦產前產後更加需要滋補一下,坊間都有好多唔同品牌嘅同類產品,所以就等我為舅母仔體驗左先啦! 

2017年2月18日星期六

【潤肺去燥】竹蔗薏米雪梨茶

19 FEBRUARY 2017(SUN)

依排嘅天氣真係勁討厭,除左天氣過山車之外,一時又乾一時又濕,真係令人唔知想點咁。天氣一大起大落嘅時候,我就會好擔心小小豬個濕疹壞朋友又嚟攪佢。所以趁未有啲咩異樣嘅時候,快快手煲定啲滋潤涼茶俾佢飲,打好個底咁就唔洗壞朋友攪攪陣啦~
 
依款竹蔗薏米雪梨茶,用左去燥又潤肺嘅雪梨作為主料,再加上清熱降火嘅甘蔗同埋清熱利水祛濕嘅薏米,咁就有益得嚟又清甜好味,而且又非常適合係乾燥時飲用呀! 

2017年2月17日星期五

【愛心午餐】小小豬的第五周愛心便當

17 FEBRUARY 2017(FRI)

每星期最自我感覺良好嘅文章又嚟,因為又到左紀錄小小豬嘅愛心便當時間又到啦~

其實依個星期我真係煮得好辛苦,辛苦嘅唔係諗煮乜,而係我依個星期都係病病狀態,病住嚟煮飯,之後又拎去學校,都真係十級辛苦。 


2017年2月16日星期四

【清心潤肺】猴頭菇粟米蘋果素湯

16 FEBRUARY 2017(THU)

新年嘅時候每餐都大魚大肉,老公都話依排要煮返多啲清淡菜式中和返。既然餸菜要清淡,咁湯都一樣要清清地啦。所以今日就煲左個既清心潤肺又可以利五臟助消化嘅猴頭菇粟米蘋果素湯,等大家素一素啦~ 

猴頭菇真係好有益,佢含不飽和脂肪酸,能降低血膽固醇和甘油三酯含量,調節血脂,利於血液循環,是心血管患者的理想食品;而且具有提高肌體免疫力功能;最重要係猴頭菇是一種高蛋白、低脂肪、富含礦物質和維生素,係一種優良食品嚟呀!(網上資料) 

2017年2月15日星期三

【試用分享】Sven’s Island 麥蘆卡全效抗敏修護軟膏

15 FEBRUARY 2017(WED)

乾燥天氣嘅時候,皮膚都總係乾乾,謝謝Sven’s Island為我送上麥蘆卡全效抗敏修護軟膏,等我可以係依個時候體驗依個萬用膏嘅威力~
 
來自新西蘭純天然品牌Sven’s Island,更是新西蘭唯一獲得Ecocert「100%純天然」認證的食品級護膚品牌,只看依一點都對佢有多一點信心!

而麥蘆卡全效抗敏修護軟膏更係佢地嘅皇牌,因為全以人手採摘種植係大巴里爾島的野生麥蘆卡樹葉,再透過蒸餾得出有機麥蘆卡樹葉油,成份天然所以佢不論係敏感肌或患濕疹皮膚都可使用呀!

2017年2月14日星期二

【試用分享】Princess 3D高壓噴射式蒸汽燙斗

13 FEBRUARY 2017(MON)

早前收到一份一直好想買但又未去行動嘅產品試用,真係啱晒我心水,依個咪就係高壓噴射式蒸汽燙斗~

今次試用我又要爆我自己一個秘密出嚟,就係.....其實我一直都係燙衫黑星,好多時都係會燙爛件衫,一係就越燙越皺,所以燙衫依個工作就交左俾老公。雖然老公願意,但就要佢有時間先可以幫忙,有時趕起上嚟都真係唔係幾合時候,所以都係要自己做好!

有一次去我朋友時裝店吹水時,見佢用左一部高壓噴射式蒸汽燙斗燙衫,見佢三兩下手腳就完成,而且感覺又真係唔錯,所以就令我心思思想買返部,咁就可以自己燙啦!

2017年2月13日星期一

【清熱滋潤】雪蓮果粟米無花果瘦肉湯

12 FEBRUARY 2017(SUN)

自己病左成個星期,雖然都叫做好返好多,不過都總係冇乜胃口。見有返少少精神,所以就煲啖湯俾自己飲下,同時都要煲俾兩位老細飲,依個星期佢地都係冇啖好食,係時候對佢地好啲啦~
 
其實今次買雪蓮果係本身當係一種生果食,因為山藥店店主話雪蓮果當生果食係好有抗養化,對皮膚好好添。


2017年2月12日星期日

【試用分享】Serafino Zani IHC恆溫系列 - 雙耳炒鍋34cm

12 FEBRUARY 2017(SUN)

作為師奶仔最開心都係收到合用嘅試用產品多謝CLASSES安排我參加今次Serafino Zani IHC恆溫系列試用活動,我收到一隻34cm嘅雙耳炒鍋~
 
自從上年新年老公煎蘿蔔糕煎壞左我隻小鑊嘅時候,一直都好想買返個新鑊,不過一隻好用嘅鑊都真係唔係咁易搵到,好多時係百貨公司睇示範見到好似幾好,但返到屋企都唔會好似佢地煎得咁好,所以買有一隻真真正正唔黐底、又可以用鑊鏟、又可以煎炒煮炸樣樣得嘅,都真係幾難!

雖然我依家用緊嗰一隻鑊都叫做OK,不過一叫到我煎嘢嘅時候都真係........依個亦都係我一向好少煎嘢嘅原因...哈哈哈!

2017年2月11日星期六

【止咳平喘】蘋果雪梨靈芝茶

11 FEBRUARY 2017(SAT)

屋企大掃除時搵到仲有一小包靈芝片(放心….仲未過期的…哈哈),為免浪費都係時候煲埋佢。不過上次煲靈芝羅漢果茶時,小小豬雖然都肯飲,不過佢始終對烏卒卒嘅顏色有點抗拒。

為免佢俾啲顏色嚇親,所以就請教相熟朋友,最後佢就教我加埋蘋果同雪梨一齊煲~
 
靈芝屬性平,有助養心安神、補益氣血、止咳平喘、改善食慾不振及消化不良。雖然用途好廣亦都係好有益,不過就味道帶點甘苦,所以直接焗茶煲水飲就比較難入口。今次加左雪梨、蘋果同無花果之後,既清甜潤喉,而且佢地嘅甜味能平衡靈芝嘅甘苦味,最重要係唔再烏卒卒,大人小朋都友都啱飲啦! 

2017年2月10日星期五

【愛心午餐】小小豬的第四周愛心便當

10 FEBRUARY 2017(FRI)

經過一個新年假期,我嘅送飯工作又要再開始,睇下今星期小小豬食乜便當~
 

2017年2月9日星期四

【偽三哥之作】A貨尖椒皮蛋


9 FEBRUARY 2017(THU)

今日俾左個大驚喜老公,整左佢好鐘意食嘅尖椒皮蛋。。。。大成功呀~

其實老公都好鐘意食依個尖椒皮蛋,基本上次次去食米線都一定會叫一碟。見佢咁鐘意我都有問過佢,不如我去學整俾你食啦!

點知佢一句:又唔係貴...唔洗專登買材料嚟整,想食咪出街食就得啦!

哈哈哈....你越唔洗我整,我就越要去整俾你食,所以依排我都不停上網搵食譜,終於搵到個簡易版得嚟又似正貨嘅整俾佢食。


2017年2月8日星期三

【試玩專員出動】消防車救援套裝@玩具“反”斗城

5 FEBRUARY 2017(SUN)

早前小小豬去參加玩具“反”斗城嘅年宵玩具市集時(按此重溫), 除咗玩遊戲贏咗好多小禮物之外,其實都收到一份新年禮物, 就係消防車救援套裝連配件~
 
車控豬一見到簡直係bling bling眼,梗係啦佢無車不歡,尤其見到咁大架車,又點會唔開心呀!

2017年2月5日星期日

【治癒系雪糕】超靚棉花糖雪糕@L’attitude

3 FEBRUARY 2017(FRI)

話說有一日大仁問小小豬想唔想去食大熊貓雪糕,依個為食豬一聽到雪糕兩個字就已經雙眼發光,所以就齊齊嚟食超靚棉花糖雪糕啦~
 
其實上次我地行經尖沙咀都見到依間小店,嗰時都好想入去試,不過人太多加上一向唔多願意排隊嘅DADDY同行,所以就冇試到。

2017年2月4日星期六

【澳門親子之旅】NON-STOP瀡不停@狂歡雪地嘉年華

1 FEBRUARY 2017(WED)

我地年三十晚先由準澳門回港,估唔到咁快又再搭船過去。哈哈哈...其實係因為我地應邀嚟澳門威尼斯人參加首個真雪嘉年華 -  狂歡雪地嘉年華!

由小小豬知道有得同SY哥哥一齊去玩雪時,佢都不知幾期待,終於等到可以瘋狂玩樂大放電啦~

小小豬點解咁期待?當然係可以同佢最好朋友SY哥哥一齊玩之外,都仲有另一個原因。話說我地原本計劃左聖誕節時去北海道同小小豬去玩雪,一切都準備就緒,點知一個電郵話機票有問題,我地嘅玩雪之旅就泡湯了。。(話時話,可能一切都係上天安排,今年聖誕北海道大風雪,如果我地去咗嘅話,分分鐘濟留機場乜都冇得玩……哈哈!) 


冇得去北海道玩雪,小小豬或多或少都有啲失望,所以當佢知道有得去澳門玩雪時,佢團火又再過嚟啦!

2017年2月3日星期五

【排清體內毒素】紅菜頭雜菜湯

31 JANUARY 2017(TUE)

話說昨日年初三我地入左新界錦田同老公婆婆拜年,就係咁就帶左一個超級新鮮嘅紅菜頭返屋企,咁新鮮就當然唔好浪費,即刻買齊材料煲返個紅菜頭雜菜湯啦~



2017年2月2日星期四

【天公不造美的小放電】「慶十載。迎新春」親子嘉年華

29 JANUARY 2017(SUN)

新年除左拜年之外,當然唔少得要俾小小豬放下電。趁今晚先要返奶奶屋企食開年飯,所以就帶小小豬嚟「慶十載。迎新春」親子嘉年華,玩返一轉啦~
 
其實今年係恩聯福利會成立十周年紀念嘅大日子,所以佢地邀請到We嘩充氣嘉年華負責製「慶十載。迎新春」親子嘉年華,以帶出傷健人士共融,及發揮這種大愛精神。活動有意思又可以一次過玩盡全年度最受歡迎遊戲,又點可以唔支持呢!