2017年2月19日星期日

【試用分享】補身之選 - 晨露滴雞精

19 FEBRUARY 2017(SUN)

我其實係好鐘意飲湯,所以就成日都煲唔同嘅湯水俾我家兩位老細。雖然一星期都總有一至兩次,但大部分都係為佢地而設,有時想煲啲啱女性嘅湯水,佢地都唔多鐘意飲,所以都少左俾自己補身嘅機會。

今次得到晨露滴雞精邀請體驗,正好為我嚟一個補身機會啦~  
其實我參加今次體驗活動,除左想用晒簡單方法為自己補補身之外,我亦都有一個任務,就係為小小豬準備升級做表哥仔,孕婦產前產後更加需要滋補一下,坊間都有好多唔同品牌嘅同類產品,所以就等我為舅母仔體驗左先啦! 

為左今次體驗活動,負責人仲非常細心約我出來交收,目的當然唔係為左慳運送費用,而係佢好詳細咁為我介紹佢地公司嘅運作及產品成效,同埋經過啲咩測試,聽完負責人講解都真係對產品信心大增(起碼唔洗周圍上網搵資料,睇下信唔信得過嘛.....始終食落肚又真係要特別小心)~
 
晨露滴雞精係台灣公司元進莊一條龍包辨,由孵化、飼養、屠宰、再加工成為滴雞精,全部都係佢地負責,所以就可以保證雞隻來源。而佢地係選用鮮台灣土雞(即係公雞),因為土雞比其他雞隻多含16種氨基酸和膠原蛋白,一隻3.3公斤的土雞只能萃取約2.5包的滴雞精,而且他們不含藥材,所以每一滴都係精華~
 
最令人放心嘅係佢地經過許多嚴格藥物殘留檢驗,絕無藥物殘留及重金屬殘留,所以適合不同的體質人士安胎丶坐月丶補身。(相關証書可以到晨露滴雞精FACEBOOK專頁睇到) 

一盒內有十包晨露滴雞精~
 
而且飲用方法仲非常簡單,包裝盒背面就有詳細圖解說明~ 
 
將一整包投入滾水加熱大約3-4分鐘後取出~ 
 
剪開內袋倒入碗內就飲得啦~
 
由於負責人提及過最好就係一早起身空肚飲用,當然我都好乖乖聽話,當係我嘅一個早餐,整個過程真係唔洗十分鐘就完成,真係超級方便。 

味道清甜回甘,有好濃郁嘅雞味,而且入口完全唔會感覺得油膩,令我對雞湯即時改觀不少呀!

基本上我都已經飲晒左一星期,身體大嘅變化就未感覺到,不過就感覺到由第二日開始,整個人全日都好精神,一啲攰嘅感覺,就連呵欠都好似少左,我估都係同飲左滴雞精有關啦...哈哈哈!



 More Information :
Website:http://www.yuansessence.com/
Facebook:https://www.facebook.com/Chickenessence99




**我地的FACEBOOK PAGE,齊齊來交流親子。育兒。烹飪啦**
Picture

沒有留言:

發佈留言