2017年3月31日星期五

【產品試用】LA JOUVENCE極致活膚高效黃金霜

30 MARCH 2017(THU)

排近天氣忽冷忽熱都真係令人有點不知所措,只係偷少少懶,就好易令到皮膚變得更加乾燥又暗啞,遠望年紀即刻老好多呀...嗚嗚嗚!

依個時候好友就介紹我用來自美國嘅Jouvence蘭祖佛絲極致活膚高效黃金霜,可以有助對付粗大毛孔同埋鬆弛皺紋,依兩樣亦都係我最重大嘅問題,所以就應邀一試啦~
 

2017年3月30日星期四

【產品試用】Muscle Rub基柏強力肌肉鎮痛摩擦膏

29 MARCH 2017(WED)

剛巧最近公關姐姐送來嘅一件試用產品收,對我嚟講又真係幾合時,因為剛剛收到當日就扭親手,正好試下依支來自美國嘅Muscle Rub基柏強力肌肉鎮痛摩擦膏~

2017年3月29日星期三

【健脾補五臟】蟲草花淮杞芡實水鴨湯

28 MARCH 2017(TUE)

成日啲朋友仔講煲水鴨湯可以對脾胃虛弱嘅小朋友好有益處,所以成日都想買嚟煲俾小小豬飲,因為總係覺得佢食極都唔肥,煲多啲唔同種類嘅健裨湯俾佢飲,睇下會唔會有改善。

想就想左好耐,不過總係覺得唔知係邊度買水鴨好,所以一直都未有行動。

今次應邀體驗FOODWISE嘅網上訂購服務,見佢地有大量有機凍肉出售,當中見到有水鴨就當然即刻訂返隻,之後就買齊材料煲依個蟲草花淮杞芡實水鴨湯啦~
 
依個蟲草花淮杞芡實水鴨湯都好有益處,有調補氣血及滋補五臟功效,對體弱多病,痰多咳嗽小兒都好有益處,而且各樣食材性質都好溫和,所以好啱一家大細飲用呀! (網上資料)

2017年3月28日星期二

【靚靚CUPCAKE親手整】親子快樂復活節DIY

26 MARCH 2017(SUN)

其實我都真係幾鐘意整蛋糕,不過無奈我家老細平日唔好蛋糕,整左出嚟冇人食又真係幾冇引,所以最好就係外出整。一嚟有導師帶住一定會成功,二嚟又可以唔洗做一輪煩忙嘅善後工作,真係整都整得輕鬆啲。

感謝BK MILK安排,今日可以嚟跟Twinkie導師學整翻糖Cupcake迎接復活節~

其實早係小小豬四歲多時,我都同佢去過Twinkie整Cupcake,不過因為當時小小豬都仲係細,參與度唔算大,所以基本上全部都係我整。不過佢依家六歲了,大個仔就可以自己整啦!

2017年3月27日星期一

【免費小娛樂】LEGO NEXO KNIGHTS™ 大挑戰

25 MARCH 2017(SAT)

去尖沙咀行街我地嘅指定地點就一定係玩具”反”斗城店,原來玩具”反”斗城有LEGO NEXO KNIGHTS™ 大挑戰,免費俾小朋友接受挑戰,貪玩嘅我地就當然玩返轉啦~
 

2017年3月26日星期日

【超可愛Cinnamoroll】15th Anniversary 時光遊樂園

23 MARCH 2017(THU)

話說早前嚟參加Cinnamoroll快閃生日會之後(按此重溫),作為一名小粉絲都非常期得大型嘅時光遊樂園展覽,終於等到正式推出,又可以嚟同Cinnamoroll影相啦~

2017年3月24日星期五

【澳門親子之旅】「體驗夢工場」冰之歷奇冰雕展

19 MARCH 2017(SUN)

我地今次依個『澳門冰之歷奇住宿套票體驗之旅』重點活動,就係嚟澳門威尼斯人®金光會展,嚟睇亞洲最大型嘅室內冰雕展「體驗夢工場」冰之歷奇,成班夢工場朋友都嚟左澳門,真係未入場先興奮呀~
 
其實對上一次舉行冰雕展時,我都已經好想帶小小豬嚟睇(當然...係我想睇啦),不過當時小小豬仲細,一向愛豬號嘅老公都怕會冷親佢嘅至愛,所以一直都唔批准。小小豬依家都大個仔,加上又去過大棠睇過同類嘅冰雕展都冇冷病,所以就可以嚟「體驗夢工場」冰之歷奇冰雕展啦! 

2017年3月23日星期四

【澳門親子之旅】奧旋餐廳歎自助午餐

19 MARCH 2017(SUN)

今早食左一個豐富早餐(按此重溫),話咁快又到午餐時間,由於我地下午仲有更加開心活動,所以都唔周圍搵食,我地就留係金沙城中心嘅奧旋餐廳食自助餐啦~

 

2017年3月22日星期三

【澳門親子之旅】Planet J冒險王國 - 虛擬童話世界

19 MARCH 2017(SUN)

我地食左一個豐富早餐後,我地就即刻急急腳又走去玩,因為要去Planet J投入虛擬童話世界~

其實上次嚟澳門都有打算嚟依度玩,不過都係鐘意跳唔停嘅小小豬就選擇左PLAYHOUSE大放電。今次就可以嚟試下玩啦! 

2017年3月21日星期二

【澳門親子之旅】功夫熊貓之舞林盛宴

19 MARCH 2017(SUN)

瞓醒一覺,我地就早啲啲起身,因為要急急腳去搵阿寶食功夫熊貓之舞林盛宴自助早餐呀~

2017年3月20日星期一

【澳門親子之旅】Q立方王國 - 玩盡室內室外玩樂區

18 MARCH 2017(SAT)

我地係房間休息過後,就嚟到小小豬最愛嘅活動,就係去巴黎人酒店內嘅Q立方王國,一次過玩盡室內室外玩樂區~

2017年3月19日星期日

【澳門親子之旅】巴黎人酒店住宿體驗

18 MARCH 2017(SAT)

上一次嚟澳門狂歡雪地嘉年華(按此重溫)時,我地係經由巴黎人酒店前往乘搭穿梭巴士前往碼頭,當時由於都幾趕時間,所以都只可以走馬看花式望,就連同地標影返張相都唔可以。

今次唔上可以嚟同巴黎鐡塔影相,仲可以體驗住宿及一連串親子玩樂活動,真係超級興奮呢~


2017年3月18日星期六

【試玩專員出動】爆旋陀螺對戰套裝

17 MARCH 2017(FRI)

小小豬又收到新玩具,多謝萬信有限公司送俾小小豬嘅爆旋陀螺對戰套裝,其實今次都係小小豬第一次接觸爆旋陀螺,唔知佢又鐘唔鐘意玩呢~
 
因為我地都好少睇電視卡通節目關係,所以實不相暪...唔只小小豬,就連我自己都係第一次接觸爆旋陀螺。我記得曾經細妹都有買過返屋企玩,當時佢仲同班朋友仔一齊玩得好興奮,我仲成日諗睇住個陀螺轉轉下又有乜咁好玩。不過經過今次親身試玩,原來又真係幾剌激呀!

2017年3月15日星期三

【產品試用】Carun皇牌濕疹三寶

15 MARCH 2017(WED)

踏入春季,加上依家啲天氣真係變幻莫測,所以真係要小心身體,因為大人同小朋友病左的話都大件事了。除左要留意身體狀況之外,其實皮膚都一樣要好好保護,尤其係好似小小豬咁有濕疹底嘅人仕,要更加注意,因為天氣逐漸轉為濕熱,咁濕疹依個壞朋友就有機會出嚟攪攪陣呀! 

早前得到公關姐姐介紹,認識左一個來自英國嘅天然有機濕疹品牌,仲為我(其實...係小小豬)送Carun皇牌濕疹三寶,等我可以係依個敏感天氣為小小豬打好個底,對抗佢個壞朋友~
 
小小豬暫時都叫做冇乜俾壞朋友煩住,不過相對地佢個PAT PAT仲仍然係有啲麻煩,總之皮膚一乾就會痕起上嚟,如果唔好好處理就會起濕疹,所以我地真係要好小心處理佢個PAT。坦白講,我今次都係第一次聽Carun依個品牌,當然我都要上網做下功課,了解一下品牌先決定係咪俾小小豬用,都係嗰句.....用係小小豬身上嘅都一定要小心嘛!

2017年3月14日星期二

【會所大解構】參觀黃金海岸住宅

12 MARCH 2017(SUN)

我地除左入住黃金海岸主題酒店之外,黃金海岸住宅仲邀請我地去參觀佢地會所設施。平日都真係唔會有機會嚟玩,所以就趁今次依個機會嚟八卦一返啦~
 

2017年3月13日星期一

【我們的太空之旅】黃金海岸酒店兒童設施

11 MARCH 2017(SAT)

繼續分享我地黃金海岸酒店之旅,今次就集中分享佢地嘅兒童玩樂設施。估唔到依度係有好多嘢啱小朋友玩,單係一個鯊魚冒險島就足以令小小豬樂而忘返啦~

2017年3月12日星期日

【我們的太空之旅】黃金海岸兒童主題客房體驗

11 MARCH 2017(SAT)

小小豬絕對唔係一個宅男,因為佢真係唔多願意留係屋企,一放假佢就一定要求我地帶佢去玩,簡直係一名逛街豬。今次邀黃金海岸酒店邀請,體驗兒童主題客房,佢就超級開心,因為可以住酒店呀~
 

2017年3月11日星期六

【健脾開胃】淮山蓮子沙參玉竹湯

10 MARCH 2017(FRI)

依排我同小小豬都齊齊胃口唔係咁好,唔知點解都總係胃頂頂咁,但又唔係唔舒服,都唔知係咪早排大魚大肉的多所以有點滯,所以都係時間煲啲清滯嘅湯。 

原本想煲山渣水,一嚟小小豬又唔鐘意飲,二嚟我自己個胃又唔太接受到,所以都係唔煲依個了
  
依個時候當然又去左相熟藥材店請教,最後店主就教我煲依個由淮山、蓮子、沙參及玉竹為主嘅湯。淮山就有助健脾胃;沙參、玉竹就可以養陰潤肺,加埋一齊煲就可以健脾開胃啦~


2017年3月9日星期四

2017年3月8日星期三

【健脾祛濕】粟米鮮淮山瘦肉湯

8 MARCH 2017(WED)

踏入廿四節氣嘅「春分」,天氣就會開始潮濕,又會導致濕氣重,咁就會成日都攰攰咁(不過我好似一年365日都係攰C哦...哈哈哈)。依個時候就晒啱煲啲健脾祛濕嘅湯水,所以就煲左依個粟米鮮淮山瘦肉湯啦~
 
鮮淮山健脾胃;粟米就清熱利尿,同埋有助祛濕;圓肉(即龍眼肉)就有補益心脾,養血安神的功效;陳皮就有化痰嘅功效,而且幾樣食材都好溫純,所以大人同小朋友都好啱飲。(網上資料) 

2017年3月7日星期二

【快閃生日Party】Cinnamoroll 15歲生日會

6 MARCH 2017(MON)

我等左今日依個機會好耐啦,因為終於可以同Cinnamoroll集郵,為見偶像都真係幾趕都要嚟佢個快閃生日Party呀~
 
其實Cinnamoroll都可以話係我兒時第二至愛(第一係小雲..哈哈哈),我仲記記中學時為買佢嘅精品文具,真係飯都可以唔食,慳啲錢留嚟買,所以我買買埋埋都幾多呀,不過我就將啲精品收埋晒係舊屋床底,一直未有時間跟埋我一齊搬(其實係以不變應萬變,依家間屋都俾晒小小豬擺嘢啦)。

2017年3月4日星期六

【Happy Jump Jump Jump】Super Pool HKAF 2017

4 MARCH 2017(SAT)

早前係FACEBOOK洗版都係依個Super Pool嘅介紹,睇見真係非常吸引,好在有魚子媽提我上網報名,所以我同小小豬今日就可以去玩呀~

2017年3月3日星期五

[潤喉止咳] 青紅蘿蔔桔餅湯

3 MARCH 2017(FRI)

喉嚨痕痕地,又好想飲啖湯,見有網友分享依個青紅蘿蔔桔餅湯,話可以止咳、潤肺同化痰(又好似幾啱我依家狀況)。覺得好似幾得意,加上青紅蘿蔔同桔餅我都鐘意飲,唔知加埋一齊係咩味,所以就買齊材料又試下啦~
 
其實同我平日成日煲嘅青紅蘿蔔瘦肉湯都係差不多,只不過就係用左桔餅嚟代替蜜棗或無花果。但加左依個桔餅就可以即刻可以止咳同化痰,聽網友仔分享就好利害,飲兩碗就即刻咳少左。依排成日喉嚨痕痕導致咳,所以我都真係有啲期待呀!

2017年3月2日星期四

【預防舒緩傷風感冒】葱白生薑茶

2 MARCH 2017(THU)

依個星期又嚟天氣過山車,一早一夜都真係有幾大相差,不幸地我又中招了,有點點作感冒病徵。

原來都打算趁早早地飲啲感冒打底湯,不過好友就介紹左我一個民間秘方,只係用生薑加上葱白一齊煮,可加強預防或舒緩傷風感冒不適。

剛好今晚都打算蒸魚,屋企都有齊材料,所以就嚟試下依個秘方啦~