2017年3月9日星期四

【產品試用】airweave S-LINE pillow

9 MARCH 2017(THU)

小小豬仲乜咁開心?緊係啦...因為佢又將我嘅物品據為己有嘛~
首先要多謝airweave為我送上佢地最新推出嘅airweave S-LINE pillow~ 
 
其實因為我地之前都試用過佢嘅夏季限定「酷涼」枕套(按此重溫),當時小小豬都不知幾鐘意,仲幫個枕套改左個名叫「舒服枕頭」,因為佢話瞓上去滑嘟嘟又涼浸浸,好舒服哦。

今次佢一見到個牌子名就己經好興奮,二話不說就多謝我買個新枕頭俾佢。原本係因為我打算換枕頭,依家就變左小小豬換,真係俾佢激C呀~
 
今次依個airweave S-LINE pillow有什麼特別?枕頭兩側比中央硬,咁就可以更好嘅支撐不同睡姿產生壓力,所以話唔同睡姿都一樣可以瞓得好好呀~ 
 
而核心材料就同其他同類枕頭有所不同,係採用高彈力樹脂纖維及獨家3D空氣編織技術,所以能預防身體因為受壓而產生的不適,從而改善睡眠品質~ 
 
另外,我覺得最好就係可以成個枕頭直接水洗,咁就可以更方便清洗兼衛生啦~ 
同樣地依以特殊材質為枕袋,吸濕排汗快乾,所以瞓覺都唔會覺得笠痴痴呢~
 
雖然俾小小豬霸左,不過我都有用我嘅辦法拎嚟試下(就係小小豬瞓著左同佢交換枕頭...哈哈哈),咁好真係幾舒服,睇佢就好似扁扁的,但個承托力都唔錯,瞓著條頸都好啱位呀! 

最近airweave都開發左手機應用程式「airweave Sleep Analysis」,為用家提供全面及個人化的睡眠分析,藉此提升睡眠質素。只要於睡眠前根據指示選擇睡前所做的活動和起床時間,並將手機放置在枕頭旁,程式便可記錄睡眠時身體的移動幅度,亦會以圖表方式顯示各種深度的資訊。

嚟緊3月17日就係世界睡眠日十周年,大家都快啲搵返個啱心水嘅枕頭,齊齊有一個甜美睡眠咁


More Information :
Website:http://www.airweave.hk/
優惠1:現凡於3月10日至4月9日期間於到尖沙咀iSquare FrancFranc門市購買airweave和風薄墊及airweave S-LINE枕,均可享有組合價85折優惠。
優惠2:由即日起至3月31日只要購買任何airweave產品滿$8,000,即可獲贈airweave日本原裝入口限量粉紅坐墊一個(價值$860)。


 
**我地的FACEBOOK PAGE,齊齊來交流親子。育兒。烹飪啦**https://www.facebook.com/kinseymama/

 

沒有留言:

發佈留言