2017年4月30日星期日

【孵出可愛小玩意】Hatchimals迷你魔法寵物蛋

30 APRIL 2017(SUN)

話說小小豬早前得供應商厚愛,可以成為首位體驗Hatchimals魔法寵物蛋嘅小朋友,小小豬好努力咁孵小鳥出嚟,仲幫佢改左個名叫”SCISSORS”(按此重溫)。

原來依家除左有Hatchimals魔法寵物蛋之外,最新推出左Hatchimals迷你魔法寵物蛋,小小豬仲一次過收到一齊套72隻小玩意,真係非常感謝供應商咁愛鍚依個百厭小小豬呀~

2017年4月29日星期六

【玩住遊戲學理財】理財大富翁

29 APRIL 2017(SAT)

話說早前小小豬收到DR.MAX《理財小博士》教材(按此重溫),雖然啲故事小小豬都好鐘意,有時間都會拎啲圖書自己睇,不過論最有興趣嘅就一定係教材內嘅《理財大富翁》啦~
 
《理財大富翁》係一盒桌上遊戲,我地屋企一向都係我家熱愛桌上遊戲,因為既可以遊戲中學習,而可以增加親子時光,所以小小豬都已經習慣晒,佢一見都就已經急不及待要玩啦。

2017年4月28日星期五

【產品試用】Phillip Wain - infusens Feminine按摩油

28 APRIL 2017(FRI)

之前嘅我係好怕用油嘅物體係我身體上,因為總係好怕油笠笠嘅感覺,所以我都真係好少用身體上嘅按摩油,但原來用油先係最補濕同埋最持久,加上自己年紀都開始大,都係時候勤力啲要KEEP下,所以都開始用沖完涼用油嚟保持皮膚有返啲光澤同潤滑。 

今次我就試用左Phillip Wain獨家推出嘅infusens Feminine按摩油,等我同大家嚟一個小分享啦~
 

2017年4月24日星期一

【睇圖書學理財】理財小博士

24 APRIL 2017(MON)

早前小小豬收到DR.MAX送俾佢嘅《理財小博士》教材,依個一向愛數字嘅小小豬都不知幾鐘意,依家佢一有時間都會拎圖書嚟佢,佢話要快快手學識晒所有理財觀念呀~
 
《理財小博士》分為八大領域組成(交換與金錢/如何消費/金錢的運用/貿易與社會/擬定計劃/工作與職業/經營管理/領導特質),每一個故事都會有一個主題,從而帶出金錢與理財概念!

每個小故事都係簡接將金錢概念及信息傳遞給小朋友,教導小朋友要好好運用金錢之外,仲要學習善用現在擁有嘅資源,學習社區貿易等,總之與管理理材有關嘅,都會提及到

2017年4月23日星期日

【產品試用】韓方美肌 - Atoclassic

23 APRIL 2017(SUN)

依家好多韓國護膚品推出,其實都真係有點花多眼亂,唔知揀選邊隻好。多謝Wishh!為我帶今次Atoclassic嘅體驗,等我可以一試傳民中嘅還原童顏肌~
 
ATOCLASSIC可能我地就比較少聽到,但原來佢係韓國係好HIT,而且仲有100年歷史,是古時的又甫韓醫院,該醫院是古時王和王族的醫院,從御醫開始延續了3代,歷經100年的傳統韓方,其皮膚療法治療了約30萬以上的患者。

在2010年又甫韓醫院開創了Atoclassic,宗旨是使用純天然漢方成份,絕對無添加、無色素、無防腐劑、無人工香料、無類固醇等等化學成份,無論是敏感性肌膚或孕膚,都可放心使用。

2017年4月22日星期六

【係雪糕定蛋糕】來自東京嘅Butter Butler

22 APRIL 2017(SAT)

我一向都鐘意食蛋糕,所以有新推出嘅蛋糕都好想試,不過無奈地就真係只有我鐘意食,我家兩位老細都麻麻地,因為佢地都唔太愛好CREAM狀物體。

不過好友介紹我一個來自東京新宿站嘅新貴 - Butter Butler,所以等我又嚟試下先~
 

2017年4月19日星期三

【家長好幫手】Jumpy Plus 兒童智能手錶

19 APRIL 2017(WED)

多謝CSL送俾小小豬禮物,就係依隻全新推出嘅Jumpy Plus 兒童智能手錶,睇依隻小小豬笑到見牙唔見眼就知佢有幾鐘意,因為既可以睇時間,又可以打電話send emoji,仲有得故事玩遊戲嘛!

不過……老公話其實最啱我用,因為內有定位追蹤,小小豬唔係我視線範圍,我都唔洗喊驚咁搵仔~
 
認真的,我係一名驚青媽媽,當外出時小小豬唔係我視線範圍,我真係會喊驚咁搵仔,所以老公都真係冇形容錯我。因為曾經試過一次係小小豬大約四歲時,我地係迪士尼嘅玩水區玩緊,小小豬係我嘅視線範圍消失左五分鐘,雖然都只係好短暫時間,不過嗰一下個心真係離一離,堅勁驚呀(原來懶醒嘅小小豬走左去火箭背後避水)。

2017年4月18日星期二

【集圖書遊戲教學於一身】理財小博士

18 APRIL 2017(TUE)

小小豬一向都對數學都好熱愛兼敏感,所以一般同數字有關嘅活動佢都非常感興趣,而且仲會好深入研究,有時我買餸佢仲快過我計要俾幾錢。我今次收到DR.MAX送倖小小豬嘅《理財小博士》教材,真係可以話啱晒佢呀~

坦白講我對DR.MAX其實認適都唔太深,不過當我同佢地負責人傾談時,原來小小豬到依家都好鐘意玩嘅Playing Maths都係出自佢地公司(按此重溫)。之後我家教育部部長(即係老公)提及時,原來佢上次經親子頭條訂左一套好抵嘅英文圖書,佢上去提取貨品時都見過依套《理財小博士》,佢望過都話唔錯,仲叫我留意等大特價時入手一套添(哈哈哈...依家師奶仔嘅我又可以慳少少呀)!

2017年4月17日星期一

【滋陰健脾】蟲草花螺頭瘦肉湯

17 APRIL 2017(MON)

上次買凍肉時送多左一包急凍螺頭,既然材料就當然留嚟煲靚湯,諗左好耐終於決定用佢嚟煲滋陰健脾嘅蟲草花螺頭瘦肉湯,等小小豬可以健脾一下(即開胃就可以食多啲嘢啦)~
 
螺頭滋陰潤燥補肝腎;蟲草花有潤肺補腎、護肝、增強免疫力及抗衰老等功效;黨參健脾益氣;淮山補脾胃及益肺滋腎;茨實也是健脾胃;蓮子養心益腎,而且各樣食材性質都好溫和,所以好啱一家大細飲用呀! (網上資料)

2017年4月16日星期日

【 親親動物月】海洋公園一天遊

16 APRIL 2017(SUN)

放復活節假期緊係又要去玩,今日就約埋SY哥哥齊齊嚟睇動物玩餐飽啦~


2017年4月14日星期五

【點對點床褥測量】點.睡眠:認識DPM

14 APRIL 2017(FRI)

復活節第一日假期,我地就先嚟沙田玩一轉。除左帶小小豬去SNOOPY LAND大放電之外,就係嚟到Home Square體驗DPM點對點床褥活動~
 

2017年4月13日星期四

【清肺止咳】羅漢果蘋果茶

13 APRIL 2017(THU)

之前都提及過我家老細近期非常愛鍚身體,主動叫我煲羅漢果俾佢飲,所以我都定期煲羅漢果杞子菊花茶俾佢飲,等佢地覺得好似菊花茶嘅時候,又可以有羅漢果嘅益處。

當然好飲嘅涼茶飲得多都有少少厭,加上我家兩位老細都幾難服示(哈哈哈),所以都要諗諗新意思嚟滿足一下佢地。剛好見群組有媽媽分享用羅漢果蘋果一齊煲,就可以有清肺 止咳 同埋生津潤腸嘅功效,最重點就係煲出嚟有這個茶蘋果嘅清甜,見咁多好處就當然要試下煲啦~


2017年4月12日星期三

【好友相聚】歡樂暢食PizzaHut

12 APRIL 2017(WED)

自小小豬升上小一之後,我都好少出夜街,因為每日又要煮午餐又要接送都真係幾攰,有時間都想留係屋企休息,所以就連同朋友仔去食飯局機會都少左。不過間唔中都真係要出去抖下,充下電先可以繼續努力,所以今日就相約好友們嚟歡樂暢食PizzaHut~
 

2017年4月11日星期二

【腸胃小分享】康維他奇異果腸道健康咀嚼片

11 APRIL 2017(TUE)

我自己一向腸胃都唔係咁好,加上多肉少菜又睡眠休息不足(其實我真係好忙呀...晚晚夜麻麻地未做晒嘢),所以就引起很多唔同嘅腸道疾病。

剛好係依個時候收到康維他送嚟嘅奇異果腸道健康咀嚼片,就得我試下對腸胃有冇幫助啦~
 

2017年4月10日星期一

【祛濕新口味】香茅青檸薏米水

10 APRIL 2017(MON)

踏入潮濕季節就當然要煲多啲薏米水,平日都係煲檸檬薏米水嘅我,今日就攪攪新意思轉一轉味道,嚟個泰式口味嘅香茅青檸薏米水啦~
 
薏米就係清熱利水、美白消腫,祛濕排毒之功效;糖冬瓜富營養,具有清熱生津止渴之效,而且本身就帶有甜味,所以就唔需要額外加糖;香茅就可以袪風除濕同埋消腫功效。材料都唔難買,去一轉街市嘅泰式小店,或者去超級市場都可以買到。 

2017年4月9日星期日

【食Buffet免費整CupCake】迪士尼好萊塢酒店 米奇廚師餐廳

9 APRIL 2017(SUN)

今日我地約埋姨姨同表姨一行五人齊齊嚟搵米奇食BUFFET,除左食大餐之外,仲可以參加CUPCAKE工作坊,學整靚靚DUFFY & SHELLIEMAY CUPCAKE,當然仲有我至愛嘅一環節集郵啦~

嚟米奇廚師餐廳食BUFFET都應該係我嘅第二次,對上一次印象都係同老公拍拖時入嚟慶祝生日節目。其實我都好想嚟,但作為一名集郵愛好者(指限同公仔集郵..呵呵呵),所以我地大多數都係去翠樂庭嗰邊,原來依家米奇廚師餐廳都有廚師MICKEY出嚟同大家影相,另外係5月嘅星期日,小朋友都可以免費參加CUPCAKE工作坊,所以就嚟食+玩一轉啦! 

2017年4月8日星期六

【有機菜新食法】金御有機粵菜

6 APRIL 2017(THU)

冰鎮西蘭花....麻醬油麥菜....聽個名就覺得好幾得意,所以今日就跟住SUPERMAMI嚟試下有機菜嘅新食法啦~
 
坊間都有好多唔同形式及種類嘅有機菜,「金御」所用嘅又有咩唔同呢?原來佢地得到美藉華裔腦科博士協助,更親身遠赴無污染嘅高山搜索最合適嘅水源及食材,所以各種有機蔬菜係水源及技術上都可以得到國際認可,而且各款有機菜每日都供應有限,食嘅時候都會放心啦! 

2017年4月6日星期四

【產品試用】維特健靈 「小兒靈芝蜜」及「醒目軟糖」

5 APRIL 2017(WED)

維特健靈都可以話係我地家中常購買嘅產品,老公同小小豬都分別有服用佢地嘅產品。是次維特健靈為小小豬準備左兩份兒童保健食品,等我同大家嚟個小分享啦~
 

2017年4月5日星期三

【動漫主角入侵山頂】杜莎夫人蠟像館 - 動漫遊戲世界

4 APRIL 2017(TUE)

話說我都有NNNN年冇去過山頂蠟像館,對上一次嚟都龐該係同老公拍拖時入嚟慶祝生日節目(生日入嚟免費嘛...即係二人同遊一人兔費....抵呀)! 

今次應邀嚟香港杜莎夫人蠟像館參觀全新嘅新展區「動漫遊戲世界」,有麥兜、麥太同埋妖怪手錶陪玩最新互動遊戲,原來依家嘅蠟像館已經好大轉變,都有小朋友啱玩活動哦~

2017年4月4日星期二

【投入童話王國】挪亞方舟 - 童話天地尋寶樂

2 APRIL 2017(SUN)

挪亞方舟對小小豬嚟講就絕對唔陌生,應該係用超愛嚟形容,因為佢都真係成日有機會入嚟玩,非常感謝挪亞方舟一直都咁愛錫依個百厭豬呀!
 


2017年4月3日星期一

【花蛋全攻略】迪士尼明星春日嘉年華

1 APRIL 2017(SAT)

作為迪士尼粉絲,一知道有新限定活動就緊係即刻入嚟玩返轉,終於揀到好日子,可以同埋DADDY & 姨姨齊齊去玩啦!

其實小小豬都有一段時間冇入園玩,加上上一年嘅花蛋節小小豬都搵蛋搵得非常開心,所以當佢知道今年又可以入嚟搵蛋時,佢都真係超級興奮,未出發就已經全身作戰狀態啦~
 


2017年4月1日星期六

【春天養生】五指毛桃雪蓮果瘦肉湯

31 MARCH 2017(FRI)

前幾日上網見有媽媽教煲依個春天養生湯,剛好我係等小小豬放學行小店時又買到五指毛桃,所以就試下煲依個五指毛桃雪蓮果瘦肉湯,俾我地三口子嚟養生~
 
其實五指毛桃我之前都煲過一次,佢煲出嚟嗰一陣好香椰子味,真係好好飲呀。不過因為唔係成日有得買,所以我冇再煲了。原來小小豬返興趣班附近嘅乾貨小店有得買。將五指毛桃加埋可以清肝解毒嘅雪蓮果同埋粟米及紅蘿蔔一齊煲,就可以養肝健脾啦!