2017年5月29日星期一

【地鐵控必到之地】港鐵展廊

27 MAY 2017(SAT)

小小豬係一名不折不扣嘅地鐵控,佢真係可以背得晒各路線嘅站名,有時都真係令我有啲驚! 

話雖如此,小小豬由二月初開始,每日放學路經有關港鐵展廊嘅宣傳海報,日日如是佢終於忍唔住要求我帶佢地參觀,幾經辛苦終於book到,今日可以嚟參觀啦~

其實生仔唔知仔心肝,小小豬未同我講時我都一早知道有依個展覽,所以都想靜雞雞book左,之後俾小小豬一個驚喜。不過網上預約一直爆滿,每星期都好準時咁上網搶位般,好在終於我都係大半個月前預約到,book到嗰一刻真係超激動呀! 

2017年5月26日星期五

【去痰止咳】龍脷葉桔餅茶

26 MAY 2017(FRI)

病好左之後,總係覺得啲痰好似困住困住咁,攪到周身唔舒服。係煮食群組見有朋友仔介紹依個去痰止咳嘅龍脷葉桔餅茶,除左龍脷葉之外其他材料屋企又有齊,所以就趁去街市買餸時買埋新鮮龍脷葉,快快手煲下啦~
 
唔好睇少細細塊嘅龍脷葉,原來佢嘅功效好利害,可以止痰化咳、嗽哮喘、肺熱咳嗽、急性支氣管炎、上呼吸道炎及支氣管哮喘之用,煲多啲嚟飲,同身體打打底先。加埋桔餅就可以止咳同化痰,減少喉嚨痕痕嘅情況,好似幾啱我哦!

2017年5月24日星期三

【化痰潤肺】印度椰子青欖桔餅百合湯

24 MAY 2017(WED)

仲記得我第一次煲印度椰子時,一粒都要$20-$30不等,不過依家真係平左好多,$20以下就可以買到一粒。

印度椰子既可以潤肺,又有勁香嘅椰子味,作為一名椰子控就當然係愛不措手,所以今日就加埋止咳化痰嘅青欖,潤肺嘅桔餅同百合,煲返個靚湯啦~
 

2017年5月22日星期一

【三天限定放電】初夏海洋玩樂園 - 黃埔新天地

22 MAY 2017(MON)

今日小小豬學校假期,依個鐘意玩嘅小小豬又點會願意乖乖留係屋企,所以就同佢應邀嚟黃埔新天地,體驗下嚟緊舉行嘅初夏海洋玩樂園啦~

今次依個初夏海洋玩樂園就有三個大嘅玩樂區,佢嘅佈置都係以海洋為主,等小朋友可以扮係海洋世界之放電呀! 

2017年5月19日星期五

【祛濕化痰】椰子三豆湯

19 MAY 2017(FRI)

原本想買粒印度椰子嚟煲湯,不過小店老闆娘就推介我煲另一個椰子湯,佢話依個椰子三豆素湯好啱依家飲,因為天氣仍係潮濕,好容易使人產生疲倦嗜睡嘅感覺。所以依個湯就可以有祛濕之餘,加埋椰子一齊煲仰可以止咳化痰添。 

其實初時我都有少少保留,因為小小豬最唔鍾意飲豆味重嘅湯,次次煲佢都唔肯飲,不過老闆娘話依個配搭煲出嚟完全冇豆味,入口就似雞湯,佢個孫仔都好鍾意飲。既然佢強力介紹,加上我又係一名椰子控,所以就買一份材料試下啦~

2017年5月17日星期三

【飯糰大改觀】7-11日本叮叮飯糰

17 MAY 2017(WED)
  
早前7-11姐姐問我有冇興趣食飯糰?其實我之前因為貪方便,所以都食買過飯糰嚟食,不過當時感覺都真係麻麻地。但原來今次所推出嘅新出品係大有來頭,所以就嚟應邀試下係咩東東啦~

今次個新推出嘅「御之簡食」新口味飯團有咩特別?原來7-11為左推出更加大眾化又吸引嘅飯糰,佢地特登請左日本7-11嘅飯團師傅嚟香港交流,研發新嘅配方,務求做出既有和風又啱我地香港人口味嘅飯糰! 

2017年5月15日星期一

【潤肺養膚】雪耳螺片瘦肉湯

15 MAY 2017(MON)

病好左就自然係要好好保養下自己,所以就煲返個潤肺養膚嘅雪耳螺片瘦肉湯,等兩位老細潤一潤之餘,我又可以滋返下啲皮膚(其實....今次都係為自己著想多啲...哈哈哈)~
 
雪耳係滋潤相信大家都知,有助潤肺、潤膚同埋養顏嘅功效。螺片乾滋陰嘅同時又可以提升湯嘅鮮味。玉竹同埋沙蔘就可以潤肺,所以食雪耳同飲湯水就可以潤肺養膚! 

2017年5月13日星期六

【清熱降火】糖冬瓜粟米鬚薏米水

13 MAY 2017(SAT)

講起小小豬最鐘意嘅涼茶,就一定係粟米鬚水,一有粟米水佢就會不其然地狂飲。既然小小豬鐘意我就當然非常願意煲,不過就唔係成日買到,因為街市姐姐話一返貨就會晨早賣晒。今日竟然俾我又見到,所以就買少少加埋糖冬瓜同埋薏米嚟煲個糖冬瓜粟米鬚薏米水啦~
 
其實依個我都真係成日煲,就係因為我成日都煲,我就以為同大家分享過,睇返....原來我係冇哦,所以就等我借今次機會同大家分享,因為依個涼茶真係好好味,而且係非常簡單,我想好多大小朋友都一定鐘意呀!

2017年5月12日星期五

【益肺止咳】玉竹雪耳蘋果湯

12 MAY 2017(FRI)
 
我自己就剛剛叫做病好,有返少少胃口就當然係想飲返啖湯,所以今日就煲左養陰潤燥、益肺止咳同埋健脾養胃嘅玉竹雪耳蘋果湯~
   
玉竹補而不膩,不寒不燥,故有"補益五臟,滋養氣血,平補而潤,兼除風熱"之功;百合功效潤肺止咳,寧心安神,健脾和胃,比較適合用於燥熱咳嗽;栗子乾就有養胃同埋健脾補腎作用。(網上資料)! 

2017年5月6日星期六

【清熱祛濕】薏米蘋果紅蘿蔔水

6 MAY 2017(SAT)

每日等接小小豬放學嘅時候,又係同啲媽媽傾偈嘅時候,既可以大家交流下小朋友之外,亦都係交流大家嘅今晚食乜餸,我依啲BB班廚藝都冇乜特別嘅分享,所以都係聽多。 

今日其中一位媽媽就同我哋分享呢個薏米蘋果紅蘿蔔水,既可以清熱祛濕之外,對濕疹小朋友都好好,而且煲出來甜甜地,所以應該唔會有小朋友抗拒。既然講到咁好,加上屋企又有齊材料,所以就煲嚟俾小小豬飲啦~


2017年5月5日星期五

【湯包體驗】祛濕祛攰湯

5 MAY 2017(FRI)

曾經同好朋友傾談時,原來佢哋都幾怕去藥材舖買藥材煲湯,因為對藥材舖唔熟悉之餘,買得份量少店員又會。。。。。所以佢地都好少煲藥材湯。 但其實藥材都係好有藥用價值,就好似依家濕濕笠笠,總係要煲祛濕湯水嘛! 

今次我應邀體驗首間網上湯包店 - 煲湯嘅材料包,我就揀左一個好啱依家天氣嘅祛濕祛攰湯~
 
依個祛濕祛攰湯就係針對依家嘅天氣,飲左就可以袪濕氣、增強睡眠質素、消除疲勞及袪骨火(專治頸梗膊痛、肌肉勞累)。

2017年5月3日星期三

【祛濕解毒】牛大力土伏苓茶

2 MAY 2017(TUE)

依定天氣都帶點濕濕笠笠,都係時候要煲多啲祛濕解毒嘅湯水。講到最好嘅祛濕湯就一定係牛大力土伏苓,我之前都有煲過牛大力土伏苓粉葛豬骨湯(按此重溫),由於帶有啲豆味,所以小小豬就唔算鐘意飲,只你應酬式飲左一碗。

前日帶小小豬去興趣班時,等放學嘅時候行過食材店,店主姨姨教緊其他客人煲牛大力土伏苓茶,話煲出嚟有益之餘,甜甜地又有蔗味,絕對啱各位大小朋友。見佢講到咁正,所以我又買一份嚟煲俾小小豬飲啦~
 
上次我煲嘅牛大力同土伏苓就係濕貨(即係新鮮嘅),今次嘅就係用乾貨(即係中藥材店嘅),我都發揮問題少婦咁不停問店主姨姨兩者有咩分別,原來乾貨(即一般嘅藥材店買到嘅各材料)就係經過切片晒乾或者先蒸熟再曬,咁佢就冇咁寒涼,適合唔同體質嘅人仕,尤其更加啱小朋友飲呀!

2017年5月2日星期二

【滋潤素湯】合掌瓜紅蘿蔔栗子素湯

1 MAY 2017(MON)

依排成日都覺得飽飽滯滯,但又好想飲啖湯,所以就聽朋友介紹,煲番一個合掌瓜紅蘿蔔栗子素湯,既可以滋潤一下,又可以清清地又有湯飲,真係唔錯呀~
合掌瓜湯我都成日煲,因為煲完出嚟啖湯好清甜之餘,煲過嘅合掌瓜又非常好食,我真係可以唔食飯都要食晒啲煲湯瓜呀…哈哈哈!

2017年5月1日星期一

【體驗分享】 GUINOT最新活肌能量水療儀

1 MAY 2017(SAT)

病左足足兩星期,做咩都冇心情,更加唔好話去打理自己塊面。 趁依家有返少少精神,係時候要攪攪佢,所以就應邀嚟銅鑼灣嘅GUINOT美容療程中心試做佢地推出全新「活肌能量水療儀」, 一次過做哂2項TREATMENT,為皮膚急救一下~
 
法國 GUINOT 成立超過50年,早於1965年已推出全球首部以電流操作的美容儀器 - Guinot 機理療皮膚儀器 亦是率先以人手、儀器加上護膚品三者配合使用的美容療程系統。全球逾70個國家的專業美容中心及水療會所都選用 GUINOT 產品,而且2017年國際環球小姐法國佳麗艾瑞絲(Iris Mittenaere)都係GUINOT嘅品牌代言人嚟呀!