【飯糰大改觀】7-11日本叮叮飯糰

17 MAY 2017(WED)
  

早前7-11姐姐問我有冇興趣食飯糰？其實我之前因為貪方便，所以都食買過飯糰嚟食，不過當時感覺都真係麻麻地。但原來今次所推出嘅新出品係大有來頭，所以就嚟應邀試下係咩東東啦~

今次個新推出嘅「御之簡食」新口味飯團有咩特別？原來7-11為左推出更加大眾化又吸引嘅飯糰，佢地特登請左日本7-11嘅飯團師傅嚟香港交流，研發新嘅配方，務求做出既有和風又啱我地香港人口味嘅飯糰！ 

今次就嚟金鐘嘅7－11概念店開餐~  

今次所推出嘅飯團就有五個口味：照燒饅魚、炭燒雞肉、吞拿魚沙律同埋麻油三文魚~  

平時食飯糰都係冷冰冰感覺，所以我就唔鐘意食。但原來今次依個新口味飯團係可以放入微波爐叮，只要叮10秒+10秒，就可以食得啦~  

我當然就即刻拎一個照燒饅魚飯糰去叮叮佢啦~  

叮好左之後，就依照拆飯糰三步曲，就可以簡單又方便咁食到啦~

入口暖暖地而且又帶有少少醬汁，所以都唔錯，令我覺得最驚喜係紫菜，食嘅時候好爽脆，同一般嘅飯糰好唔同，依一點都幾吸引到我呀~

 

雖然紫菜絕對係我杯茶，不過都總係要試下冇紫菜嘅麻油三文魚~ 

其實個味道都唔錯，帶有少少麻油香味，食落都幾香口。有味飯嘅食法又同紫菜包住嘅唔同，但我個人口味....始終都係紫菜啱我啲~  

除左新飯糰之外，仲推出左兩種新嘅果汁(Deli Fresh 熱帶水果Smoothie同埋流感戰士蔬菜汁)。我自己就試左熱帶水果Smoothie，我就飲到有好香嘅菠蘿同芒果味，一啲都唔覺得甜，而且入口好滑添~  

仲有兩款透心涼嘅Fujicco 鮮果果肉啫喱(血橙口味同埋菠蘿口味)~  

我依個菠蘿控就當然係試菠蘿口味，入面有勁香菠蘿果汁啫喱，非常彈口，而且仲有啖啖果肉，加埋椰果就真係好有口感~  

估唔到依家7-11有咁多嘢食，等我下次都帶小小豬嚟開餐先得！

 

More Information :
Website：http://www.7-eleven.com.hk/ 
Facebook：https://www.facebook.com/7ElevenHongKong