2017年6月29日星期四

【疏肝理氣】合掌瓜淮山薏米豬骨湯

29 JUNE 2017(THU)

夏天瓜果當造,所以街市都特別多又大又靚嘅瓜買。正所謂不時不食,就連煲湯都係一樣,夏天就當然煲多啲瓜果湯,行街市見到啲合掌瓜又平又靚,咁就煲過合掌瓜淮山薏米豬骨湯啦~

依個湯除咗有助疏肝理氣,仲可以消滯兼增加進食胃口,夏天炎熱,唔好話小小豬,就連我自己都冇乜胃口食嘢,所以就煲啖湯飲吓都幾好呀!

2017年6月27日星期二

【同英雄玩遊戲】Marvel夏日超級英雄@迪士尼

25 JUNE 2017(SUN)

作為一位迪士尼粉絲,有新嘢緊係要入去玩啦。今個暑假一大班Marvel嘅超級英雄嚟左迪士尼,齊齊同大家玩遊戲呀~
 

2017年6月24日星期六

【祛濕又清甜】紅蘿蔔粟米鬚水

24 JUNE 2017(SAT)

話說一到左夏天,係街市就會好易買到小小豬最鐘意嘅粟米鬚,所以我煲嘅次數都真係越來越密。無法啦…邊個叫豬大帝咁鐘意飲,既然依家當造,咁我就密密煲,可以等佢、利尿消腫同埋清熱毒嘛。 

原本我打只係打算好似平時咁煲,不過今日茶檔姨姨就教我加埋紅蘿蔔一齊煲,因為紅蘿蔔有助明目、保護呼吸道同促進小朋友發育。 既然姨姨落力推介,加上紅蘿蔔我又成日都煲,所以就聽話買多兩條紅蘿蔔啦~


2017年6月23日星期五

【抗氧化又排素】心內美南瓜牛蒡湯

23 JUNE 2017(THU)

今日行過街市茶檔,店員姐姐推力推介我買心內美嚟煲湯,佢仲即場教我買埋其他材料,咁就可以煲一個既可以抗氧化又可以排素嘅靚湯。其實我當時正在考慮緊今晚煲乜好,見佢如此落力推介,咁我就聽佢話,煲依個心內美南瓜牛蒡湯啦~
 
"心內美" 其實就即係紫蘿蔔,含花青素,係一種天然抗氧化劑,而且含熱量較少纖維素較多,吃後易產生飽足感,有助減肥,常吃可降血脂,軟化血管,穩定血壓,預防冠心病,動脈硬化,膽石等疾病。牛蒡可刺激大腸蠕動,有助排出體內的毒素,同時亦有助降血糖、降尿酸、降血壓、降膽固醇、保肝、消炎、抗菌與抗腫瘤。 南瓜就營養成份很高,係維他命A嘅優質來源,有防止糖尿病、高血壓以及肝臟和腎臟的病變。(網上資料) 

2017年6月19日星期一

【簡易快靚正】紫菜豆腐肉碎湯

19 JUNE 2017(MON)

激C我…早幾日煮煮下飯,依個小小豬入左嚟廚房,以為佢咁乖仔嚟幫手開飯,但原來係問我今日煲左咩湯或者涼茶。 當知道今晚冇涼茶又冇湯時,佢竟然大興問罪,話食飯冇得飲會唔Enjoy(佢仲要好認真嘅樣),聽到都唔知好嬲定好笑。 

天氣咁熱,困係廚房都真係幾辛苦,尋日先飲完湯,偷懶一日都唔俾,依個小老細真過份呀!

不過……其實佢都係鐘意我啲愛心湯水,我開心都嚟唔切,所以雖然今日諗唔到煲咩老火湯,咁就簡單煲個紫菜豆腐肉碎湯滿足一下小老細啦~

豆腐含有豐富蛋白質,而且有益氣和中、生津潤燥、清熱解毒的功效。紫菜含碘量高,可降血壓及防止甲狀腺腫大。(網上資料)

2017年6月16日星期五

【LEGO大任務】LEGO® CITES OF WONDERS

15 JUNE 2017(THU)

相信由今日開始太古城中心將會成為各位LEGO迷必去地方,因為LEGO®同太古城中心合辨LEGO城市大型遊樂場《Cities of Wonders》,小小豬仲應邀嚟優先試玩,接受四大任務添~
 
由6月 16日起至7月16日,LEGO®與太古城中心呈獻《Cities of Wonders》,一座由LEGO®砌成的都市,由小朋友全權話 事,讓小朋友化身「Happiness Builder–快樂建築師」,運用創意,拼砌出「你」想都市。

2017年6月13日星期二

【消暑之選】百合麥冬太子蔘茶

13 JUNE 2017(TUE)

小小豬每星期學琴嘅45分鐘,就係我去偷師嘅好時機見。因為每次我都會去賣開煲湯材料嘅小店行一轉,睇下入啲咩貨嚟煲涼茶靚水湯時,老板娘都會同我傾計,有時仲袋錢入我袋(即係教我煲咩正湯)。

尋日同老板娘又教我煲一款新涼茶,佢話好啱依家踏入「立夏」嘅節氣飲,飲完之後人都冇咁忟忟憎憎,仲可以消暑安神添。我當然即刻買返包材料包試煲俾兩位老細飲啦~

 
百合養陰潤肺止咳,清心安神;麥冬養陰潤肺、益胃生津、清心除煩;太子蔘治氣虛肺燥,補脾土,消水腫,化痰止渴。(網上資料) 

2017年6月9日星期五

【清熱潤肺】菜乾紅蘿蔔豬骨湯

9 JUNE 2017(FRI)

早幾日行過小店,見到佢地剛剛返左一大袋菜乾,見到佢地個樣又幾靚仔,所以就心癮癮想飲菜乾湯。老板娘仲教我加羅漢果同埋紅蘿蔔一齊煲,就可以清熱又潤肺,咁簡單就當然即買齊材料煲個正湯啦~
 
羅漢果甘、酸,性涼,有清熱涼血、生津止咳、滑腸排毒、嫩膚益顏、潤肺化痰等功效,可治療痰熱咳嗽、咽喉腫痛、大便秘結、消渴煩躁諸症。菜乾就有清熱、潤肺、和胃、滑腸之功用。(網上資料)

2017年6月7日星期三

【養心安神】百合紅棗麥米茶

7 JUNE 2017(WED)

一踏入六月就係即係考試嘅季節,陪小小豬兩父子溫習時,我睇返之前買左嗰本「孩子飲食全書」,入面教左一個可以養心安神嘅涼茶,一聽個名就諗都唔諗,買齊材料煲俾小小豬飲啦~
 
我都唔係一個怪獸媽媽,考試係會有少少緊張,不過都唔力俗小小豬。雖則話唔俗,但都總係要同佢溫下書,養成一個正確考試態度。但.....小小豬最大問題就係佢過份急性同埋非常衝動,對住份考試卷都可以神速做晒,所以好多時明明啲題目係識嘅都會因為佢嘅急性就會答錯,所以有時都真係教到我同老公都忟忟地。

我都唔係在乎小小豬要考得一百分,只希望佢有盡力同進步就得唉......個仔係自己嘅,唯有嬲完忟完又繼續努力教啦(噢....好似離左題添,不過請容許我呻一下啦) 

百合、紅棗同埋小麥米都係有助養心安神功效,甘草就可以補脾益氣,所以依個涼茶就可以健脾補血同埋養心安神啦! 

2017年6月6日星期二

【自己公仔自己畫】獨一無二嘅好友@SoftFriends

6 JUNE 2017(TUE)

雖然小小豬係一個小男生,但其實暗地裹佢都係好鐘意玩毛公仔(可能受我影響啦),基本上晚晚都耍攬住公仔先瞓得著。早前小小豬就收到一份好有心思嘅禮物,就係一個獨一無二由佢自己創作嘅毛公仔,依隻豬仔見到個新朋友時,真係既驚喜又興奮呀~
 
首先要多謝Soft Friends團隊為小小豬製造依一個驚喜,應該話唔止小小豬,就連我都好感到好驚訝,因為成份禮物包都真係好有心思。

不過.....回想起,其實當初收到電郵邀請時,我都猶豫左好耐,因為小小豬本身係一個零藝術天份嘅小朋友,到依家一年級佢嘅畫功都仍然係非常...非常.....非常幼嫩,叫佢畫一個公仔簡直好似叫佢去行刑咁,所以我都唔知交唔交畫好。

2017年6月5日星期一

【飲奶同運動好重要】世界牛奶日

31 MAY 2017(WED)

六月一日就係世界牛奶日,其實咩係世界牛奶日?世界牛奶日目的就 係希望向大眾左宣揚奶類食品嘅營養價值,藉此鼓勵各位大小朋友可 以多進食奶類。菲仕蘭(香港)一直重視學童以至家庭健康,所以就由 2013 起每年都舉行「世界牛奶日」,鼓勵家長和學童攜手建立健康及 歡樂的家庭。 

今年菲仕蘭(香港)委託左香港浸會大學許士芬博士體康研究中心,舉 行「香港兒童健康調查」,藉此了解佢地嘅奶類攝取、個人及親子運 動習慣。今日我就應邀嚟參加調查發佈會,看似就係好學術性,但原 來我都袋唔少有用資訊呀~

2017年6月4日星期日

【消暑祛濕】冬瓜薏米水

4 JUNE 2017(SUN)

又話依個週末會好大雨,但就一滴雨都落,而且攪到天氣非常悶熱,真係係街上行都焗都好辛苦。

行街市買餸時見到有好多大大粒又好平嘅冬瓜,所以個腦就突然"叮"起煲超簡單嘅冬瓜薏米水念頭,所以就即刻買材料,煲俾我家兩位老細飲,等佢地既可以消暑又可以祛濕啦~
 

2017年6月3日星期六

【輕鬆渡假之旅】迪士尼探索家度假酒店

27-28 MAY 2017(SAT-SUN)

作為一名迪士尼粉絲,當知道迪士尼準備開第三間酒店嘅時候,都真係好想嚟行一轉,終於等到開幕可以嚟個小渡假玩返兩日啦~