2017年8月29日星期二

【西瓜雙重奏】西瓜沙冰雪葩

29 AUGUST 2017(TUE)

依家我同小小豬都有一個習慣,就係當行到去果汁店時我地都會企一陣,偷師睇下有咩果汁可以整。

我地都見到好多唔同種類嘅蔬果汁都好有興趣,不過小小豬一見到西瓜就想試,但普通嘅西瓜汁又好似冇咁好玩,所以就嚟個西瓜雙重奏,整返一個冰凍嘅西瓜沙冰雪葩啦~
 
其實我都唔知得唔得,不過既然慢磨榨汁雪葩機可以榨出果汁之外,又可以整雪葩,所以我就一次過用晒佢兩個功能,試下整啦! 

2017年8月28日星期一

【產品試用】家典牌納米石瓷專業電飯煲

28 AUGUST 2017(MON)

作為一名煮婦,但其實我對廚具唔係太講究,對我嚟講方便同埋用得到就可以,如果唔係用具壞左,我地未必會留意依家啲新家電(其實可能係我有選擇恐俱証....哈哈哈)。

如果唔係今次依個試用機會,我都唔知原來電飯煲都可以用納米石瓷嚟煲飯添~
 

2017年8月27日星期日

【米奇陪你食早餐】雲龍軒自助早餐

26 AUGUST 2017(SAT)

今年生日剛好見到迪士尼酒店有優惠,所以老公就BOOK左迪士尼探索家酒店同我地去返兩日一夜。雖然之前都入嚟玩過一次(按此重溫),不過有得玩我又點會SAY NO,所以就嚟一個開心生日之旅啦!

上次入嚟住都已經勁想去搵探索裝米奇,不過因為遲左BOOK,所以自助早餐同午餐都FULL晒。有左上一次嘅失敗經驗,今次係BOOK房間時即刻BOOK埋自助早餐,所以終於可以嚟集郵啦(無錯...食都係其次,我主要都係為集郵...哈哈)~
 

雲龍軒嘅早餐BUFFET係分兩轉,早上7:30一轉,另外就9:00一轉。但原來可以預約嘅就只有7:30那轉,9:00嘅就要睇下當場仲有幾多位,以先到先入的方式入座。

2017年8月24日星期四

【旋風忍者闖三關】LEGO 忍之修行陣

24 AUGUST 2017(THU)

嚟緊九月尾就會《LEGO®旋風忍者大電影》‧忍之修行陣就會上映,所以就係MOKO舉行一個展覽,等小朋友可以更加了解故事,同故事主角嚟個親密接觸,到時睇電影就更加投入。 

今日就等小小豬化身成為旋風忍者,去玩遊戲闖三關啦~
  
只要係於星期五至日場內消費滿HK$100或以MOKO VIP 100分就可以跟旋風忍者闖三關,照計都唔難,去食個下午茶都應該夠啦(記得要拎單呀)。 

2017年8月23日星期三

【消暑健脾祛濕】黃瓜荷葉粟米鬚素湯

22 AUGUST 2017(TUE)

尋日去同小小豬玩野外定向比賽,雖然係好有挑戰的嚟又幾好玩,不過係大熱天加上又悶焗天氣,其實都有點辛苦。所以就即刻去藥材店執返一份消暑湯包,煲返個靚湯同小小豬齊齊解暑啦~
 
今次煲依個黃瓜荷葉粟米鬚素湯都係店員介紹嘅,除左可以清暑之外,仲對健脾同祛濕好有幫助。一聽到店主咁講,加上又真係唔難,當然要即刻煲小小豬同自己飲啦! 

2017年8月22日星期二

【第一次的挑戰】生態捍衛戰野外定向比賽濃縮版

21 AUGUST 2017(MON)

我成日聽到好多機構舉辦野外定向比賽,每一次見到都好想參加。雖然我哋都唔屬於戶外型,不過都好想同小小豬接觸一下唔同嘅活動,可以親親大自然得嚟又可以嚟個大考驗。

不過….想就想咗好多次,次次一諗到喺山頭兩小時內來來回回搵CHECK POINT,怕小小豬應付唔到之餘,又怕會好辛苦,所以就等到今次先踏足我哋第一次的野外定向喇~
 
其實我哋今次係參加長春社舉辦嘅生態捍衛戰野外定向傳媒活動,當中有濃縮半個鐘版本。唔好以為半個鐘就係柴娃娃,因為在場有香港野外定向會為我哋設計CHECK POINT同物資,所以絕對係認真嘅簡易版比賽嚟呀!

2017年8月21日星期一

【超甜又有益處】三文魚南瓜洋蔥湯

21 AUGUST 2017(MON)

前日係油麻地果欄買左一個又大又抵嘅日本南瓜,當然要即刻用嚟煲靚湯。上網睇見一個好啱小朋友飲嘅三文魚南瓜洋蔥湯,所以就試下煲俾小小豬飲啦~
 
三文魚其實我成日都有買嚟煮俾小小豬食,因為佢嘅營養成份都好豐富。當中佢有奧米加三脂肪酸同埋膽鹼,對腦細胞發展都好有益處。而且又可以補虛勞、健脾胃暖胃同埋紓緩水腫。日本南瓜就除左含豐富維生素之外,仲有助益肝血、促進骨骼發展、預防骨質疏鬆及增強免疫力。(網上資料) 

2017年8月20日星期日

【自家消暑甜品】士多啤梨藍莓雪葩

20 AUGUST 2017(SUN)

夏天來一杯冰凍甜品,真係可以滿足一下味覺外,又可以超級消暑。既然有個新玩具,當然唔好浪費佢其中一個整雪葩功能,所以就買左小小豬最愛嘅兩種水果,來一個士多啤梨藍莓雪葩啦~
 
其實之前我都有整個雪葩俾小小豬食,始終自家制嘅唔會加無任何添加劑,而且入口仲係啖啖真100%純水果,咁就可以食得安心又放心。不過之前用開嘅手動攪拌器壞左,用攪拌機嘅方法又好似有點麻煩,所以之後都冇再整。依家有新玩具咁方便,就當然要整多啲俾小小豬同自己食啦!

2017年8月19日星期六

【自己動手做玉桂狗曲奇】Cinnamoroll x Foodfie 甜甜烘焙坊

19 AUGUST 2017(SAT)

作為一名玉桂狗粉絲就當然密切留意佢嘅動向,剛好今年就係玉桂狗15週年嘅大日子,所以零食物語就同Sanrio齊齊係Foodfie煮播室舉辨成甜甜烘焙坊,自己動手做玉桂狗得意造型壓模曲奇。

有得整曲奇仲要係整玉桂狗款,就緊係要同小小豬嚟玩返轉啦~

2017年8月18日星期五

【清腸排毒】香芒橙汁特飲

18 AUGUST 2017(FRI)

自從屋企多左部飛利浦慢磨榨汁雪葩機之後,簡簡單單就可以榨出一杯果汁之後,所以就上網睇下有咩果汁可以整俾兩位老細飲。

今日見有朋友介紹用芒果加橙就可以榨出一杯好味又有益嘅果汁,見街市又有買到依兩種食材,所以就又嚟試下依款香芒橙汁特飲啦~

坦白講,依兩種生果又好似冇乜關係,完全冇諗過可以加埋一齊食(更加唔好話飲呀),不過睇介紹話可以清腸排毒、養心健康,而且對健胃消食都有好幫助,好似好有益咁,就試下佢啦!

2017年8月17日星期四

【養肺又開胃】椰子螺片豬骨湯

16 AUGUST 2017(WED)

今晚表妹嚟食飯,我就緊係要煲返個靚湯俾佢飲,見屋企仲有一份螺片,所以就嚟煲返個椰子螺片豬骨湯,清熱之餘仲可以滋潤下先~
 
依個湯都係賣椰子姨姨教,我去問佢有咩材料可以配螺片一齊煲而又啱依家節氣,佢就介紹我煲依個湯,因為可以生津止渴、清熱利尿、潤膚養血同埋潤喉養肺化痰,最重要就係話對小朋友開胃都有幫助。

一聽到飲完會開胃,就當然即刻買齊材料煲,因為小小豬飲多啲就會開胃啲,咁就可以肥啲啲啦!(嗱...澄清先....我平日都冇刻扣小小豬食糧,只係唔知點解佢食極都咁瘦...唉)

2017年8月16日星期三

【商場內的槍戰】「螢」格Battle鐳射槍對戰

15 AUGUST 2017(TUE)

小小豬玩射槍遊戲就只限係迪士尼玩巴斯光年(好可惜呀...好快就冇得玩啦),不過今日就有個新挑戰,就係嚟鑽石山商場玩「鐳射槍對戰迷宮」,涼住冷氣都可以玩到身水身汗,就知道有幾刺激啦~

今次依個「鐳射槍對戰迷宮」仲係全港首個商場內嘅鐳射槍戰場,我地會進入一個過千呎密室玩鐳射槍對戰迷宮,真係未玩都已經好吸引。 

我地為個「鐳射槍對戰迷宮」而來,當然第一時間就係去玩啦,憑消費$50收據,就可以一人進場,如果家長想齊齊玩,咁就記住要分單,因為每張單只係限一人使用。每次六人對戰,只要年滿七歲及身高110cm或以上就可以玩。 

2017年8月15日星期二

【慢磨有營果汁】羽衣甘藍蘋果汁

11 AUGUST 2017(FRI)

成日聽朋友仔話羽衣甘藍好有益,所以上次係街上果汁店見到就想買杯嚟試,點知一杯就已經要差唔多$40,咁貴就當然唔捨得買。

剛好屋企剛剛有部新玩具 - 飛利浦慢磨榨汁雪葩機,所以就買齊材料自家制俾小小豬飲啦~
 

2017年8月14日星期一

【小籠包控出動】滿足的南小館

9 AUGUST 2017(WED)

我同小小豬都好鐘意食小籠包,見返興趣班附近開左間新上海食店(又或者可能我,所以就入去食個靚午餐啦~
 

2017年8月13日星期日

【戶外拍攝】WanderSnap幫你留親密影像

 11AUGUST 2017(FRI)

我成日都同小小豬影好多相,因為我覺得相片係一個好好嘅紀錄,有時我都會傻傻地睇返之前小小豬細個嘅相,每次望到小小豬開心嘅相,就算有唔開心事都一定好快會忘記。

其實我都真係好鐘意同小小豬影合照(當然有埋DADDY嘅全家幅就更加好),每次影相都係限我影佢,要有親友在場先可以叫做有啲母子嘅合照,今次應WanderSnap邀請,嘗試佢地嘅服務,幫我同小小豬影靚相我當然非常樂意,所以就嚟試下啦~
 
原來WanderSnap網站約覆蓋超過30個亞洲國家,遊客可以利用佢地網站同當地嘅攝影師聯繫咁去旅行都可以珍貴嘅相片,咁可以以有一個好好嘅回憶

2017年8月12日星期六

【益氣補腦】 合掌瓜合桃腰果素湯

6 AUGUST 2017(SUN)

外出食飯好幾餐,食到飽飽滯滯就好想飲番飲啖清清地嘅湯,所以就煲番合掌瓜合桃腰果素湯滋潤一下~

唔好睇少簡簡單單嘅素湯,佢煲出嚟都一樣係超甜又好飲呀,而且仲係好益氣,既可以補腦及補腎,大人小朋友都啱飲呀!

2017年8月9日星期三

【澳門親子之旅】喜來登親子房間大解構

2-3 AUGUST 2017(WED-THU)

玩左成日又食左一個豐富嘅晚餐,其實我同小小豬都攰到冇朋友。原本係打算返酒店就可以乖乖休息,點知小小豬一返到房間就嚟興奮起嚟,因為間房真係超正呀~

2017年8月7日星期一

【澳門親子之旅】玩轉巴黎人水世界

2 AUGUST 2017(WED)

上次同小小豬嚟Q立方王國玩時(按此重溫),係戶外見到個巨型海盜船,小小豬都已經好想去玩,但由於當時因天氣關係冇開放,所以小小豬就冇得去玩。

今次嚟澳門正值炎夏時間,咁就最啱去玩水,所以就嚟一個玩轉巴黎人水世界啦~

2017年8月6日星期日

【澳門親子之旅】西遊記後台攪攪陣

2 AUGUST 2017(WED)

今次我地嘅澳門之旅可以話有一個新嘗試,絕對係可以用藝高人膽大嚟形容小小豬,因為小小豬體驗左一個難能可貴嘅機會,可以深入舞台表演場地嘅後台攪攪陣,仲學做一特技人添~


由於澳門喜來登酒店正值舉行全球最大型嘅室內舞台《西遊記》,所以公關姐姐就帶我地去同西遊記演員見面。

2017年8月4日星期五

【小朋友返工學理財】未來事業所@奧海城

31 JULY 2017(MON)

成日都問小小豬大個仔想做咩職業?佢一時話老師..一時話醫生...再唔係就話做律師,佢嘅志願都幾因應時間而轉變哦。不過相信經過今日佢又會多左六個職業考慮,因為我地嚟奧海城參加「未來事業所」,一次過體驗六個唔同職場,佢仲唔又有排諗~

2017年8月3日星期四

【產品試用】Timeless Organics 100%天然有機護膚品

1 AUGUST 2017(TUE)

作為一個傻媽,都係總有愛扮靚嘅時候,想扮靚就要由護膚著手,所以護膚品就好重要。今次有機會可以試用來自美國全人手製造嘅有機護膚品牌 - Timeless Organics,唔知用落又會係點呢~

Timeless Organics 產品成分全素並無動物測試、100%天然、有機認證成分、不含麩質、無化學成分、「對羥基苯甲酸酯」防腐劑、人造色素及香料等等,所以適合素食主義者、敏感肌膚、暗瘡問題、孕婦和哺乳期媽媽使用!

2017年8月2日星期三

【消暑特飲】菠蘿薄荷梳打

1 AUGUST 2017(TUE)

夏日炎炎最好就係飲返杯冰凍嘅消暑特飲,當然如果係自家制的話,咁就飲得更加健康又放心啦!

我依個菠蘿控近日愛上左飲依個菠蘿薄荷梳打,做法超級簡單,就連小小豬都識得整添~

2017年8月1日星期二

【玩轉科學園】 夏日科學派對

30 JULY 2017(SUN)

每一個長假期,小小豬都總係好期待一個地方,就係去科學園參加工作坊。小小豬雖然嚟參加玩嘅次數都有好多次,不過每一次嘅工作坊對佢嚟講都係新鮮,由當然只係跟哥哥姐姐去做,到依家會問個遊戲係包含咩STEM原素,從小小豬反應都可以知道佢係有幾鐘意同投入參加工作坊啦~