【澳門親子之旅】喜來登親子房間大解構

2-3 AUGUST 2017(WED-THU)

玩左成日又食左一個豐富嘅晚餐，其實我同小小豬都攰到冇朋友。原本係打算返酒店就可以乖乖休息，點知小小豬一返到房間就嚟興奮起嚟，因為間房真係超正呀~

今次我地係入住親子家庭房，入到房間睇，都好乾淨同大哦~ 
 
而且仲有小食、甜品同生果添~

 

小小豬其實都好滿意今晚嘅房間安排，不過原來驚喜在後面，發現到相連獨立房變身成為小朋友天地。小小豬一見到滿地汽球，佢嘅精力番晒嚟~ 

 

不停拎住啲汽球行上行落，非常陶醉係佢嘅汽球世界，仲叫我返入自己房間，唔俾我入去添(真係俾佢激C)~ 

 

小朋友房間就連洗手間都可愛啲~

 

最後，小小豬仲發現到原來窗外可以望到巴黎人嘅巴黎鐵塔，亮燈鐵塔真係好靚呀~

 

正當小小豬自己係房間玩時，我就發現到一個小玩意，就係房間內嘅Handy~ 

 

隨左可以享用無限數據任上網之外，仲可以打免費長途電話去五個地區(當然就有香港份啦)，所以就打俾老公匯報今日小小豬嘅活動了~

 

終於如小小豬所願，自己一個人係小朋友房瞓左成晚~

 

瞓醒就可以即刻有早餐食，因為我叫左Room Service早餐~

 

其實我都係第一次叫，所以都唔多識，結果叫左兩SET就食左一個超級豐富嘅早餐。係咁好環境邊食邊望住咁靚嘅巴黎鐵塔，胃口都大增，慢慢食就清晒啦~ 

 

原本我打算同小小豬係泳池游水，不過因為落雨關係，所以冇得去。不過留係房間繼續玩小小豬又點會唔滿意呢~

 

開心時間過得特別快，又係時候講拜拜啦~

 

一個咁好玩嘅地方小小豬當然唔捨得走，不過其實我都.....，兩母子帶住依依不捨心情離開房間，期待好快可以再嚟享受過啦！