2017年9月30日星期六

【清潤滋肺】龍脷葉紅蘿蔔湯

30 SEPTEMBER 2017(SAT)

每日最苦惱莫過於行街市但又唔知買餸好,正當我諗緊煲咩湯時,見店主今次返咗好多龍脷葉,新鮮得嚟又幾靚,所以就買嚟煲湯俾兩位老細飲~
依家已經係入秋,好啱飲一啲清潤又潤肺嘅湯水,雖然龍脷葉一般係用作止咳,但唔係咳先可以飲,有時都要預防於未然嘛! 

2017年9月27日星期三

【開胃消滯】洛神花山渣玫瑰茶

26 SEPTEMBER 2017(TUE)

上次我煲過洛神花蘋果粟米茶(按此重溫),小小豬都幾鐘意飲。嚟緊中秋節都應該會食好多月餅,所以我都嚟個開胃涼茶升級版,用洛神花加上山渣同埋玫瑰,等兩位老細可以開胃又消滯啦~

2017年9月26日星期二

【秋天養生】蓮藕眉豆瘦肉湯

24 SEPTEMBER 2017(SUN)

話說上星期睇中午電視節目,係呀…我係有睇《都市閒情》,平日夜晚小小豬係屋企唔開得電視,咁咪趁佢返咗學就睇個夠本啦! 

節目中其中有一環節係教煲啲秋天養生湯水,所以我就乖乖坐定定打算偷師一番。 其實老公都好鍾意食蓮藕,成日都叫我買嚟煮俾佢,不過我自己又少接觸,都唔知原來蓮藕同眉豆都係啲滋補潤燥嘅食材,好適合秋天飲用,所以我就跟住嚟煲呢個蓮藕眉豆瘦肉湯啦~
 
蓮藕有助健脾開胃、益血生肌;眉豆所含維生素B1能維持正常的消化腺分泌和胃腸道蠕動的功能,抑制膽堿酶活性,可幫助消化,增進食慾。(網上資料) 

2017年9月25日星期一

【網購體驗】型格親子太陽眼鏡

23 SEPTEMBER 2017(SAT)

親子裝一向都係我至愛,親子衫...親子鞋...親子帽我都有,夏天必備之選 - 太陽眼鏡我就一直想買但又買唔到。睇啱款唔係冇成人SIZE,就係冇童裝,所以一直就只係得個恨字。終於經過今次網購體驗,我同小小豬擁有型格親子太陽眼鏡啦~
 

2017年9月24日星期日

【輕輕鬆鬆親子遊】聽故事 遊赤柱

23 SEPTEMBER 2017(SAT)

赤柱我地都嚟過好幾次,但每一次都係好指定嘅步伐,行下市集之後就去石灘玩下沙,然後就去食少少嘢就走。但原來赤柱都有好多特式同埋背後有個歷史嘅地方,所以三口子就嚟參加導賞團,聽住故事遊赤柱~

其實我自己都好鐘意參加依啲導賞團活動,雖然地方可能我地成日都會,但當聽住導賞員詳細地講解社區背景,可以明白更多地方歷史之餘,仲可以了解多啲當年嘅人民生活情況輕輕鬆鬆嚟個親子遊對我同小小豬嚟講都係一個好好嘅體驗呀

2017年9月22日星期五

【化痰止咳 清熱潤燥】川貝母雪梨湯

22 SEPTEMBER 2017(FRI)

雖然天係仲係好熱,我都仍然係有煲清暑湯俾小小豬飲,但其實已經踏入「白露」節氣,夜晚會感到一絲絲的涼意,所以就要好好養肺及健脾潤燥。

 在白露節氣裏,喺清晨時分將會發現戶外的地面和葉子上有許多露珠,這是由夜晚水氣凝結而形成的。古代人以四時配五行,秋季係屬五行中(金、木、水、火、土)嘅金,季節嘅代表顏色係白色,所以便將秋天露水叫做「白露」。進入「白露」之後,夜晚會感到一絲絲涼意,這就係話俾大家知秋天嚟啦,要注意早晚溫差,記得適時添加衣服,小心著涼!(網上資料)

唔知係咪早晚有啲涼意,我同小小豬早晚都有少少咳,我想都係轉天氣所影響。 就係咁我就煲番個川貝母雪梨湯,既可以合節氣之餘,仲可以化痰止咳同埋清熱潤燥啦!
 

2017年9月21日星期四

【產品試用】Health Proof康寶庫兒童護眼寶加鈣

21 SEPTEMBER 2017(THU)

雖然小小豬都可以話係湯水不絕,不過作為媽咪見到小小豬仲係細細粒咁,唔多唔少都一定會擔心佢唔吸收,所以都會加添啲Supplement等佢可以加陪打好健康基礎。謝謝Health Proof康寶庫為小小豬預備左康寶庫兒童護眼寶加鈣,等佢可以好好保護眼睛及強健骨骼~
   
其實我覺得眼睛真係好重要,雖然我地都已經好限制小小豬接觸電子產品,所始終依家係小二生,學校都一定會接觸到,再加上平日做功課、溫習都會好傷神,或多或少都對眼睛有所影響。我當然唔希望小小豬好似我咁要載眼鏡,所以都要為佢加強保護先得

2017年9月20日星期三

【產品試用】家典牌石瓷燒純瓷鑊

20 SEPTEMBER 2017(WED)

上次我試用過家典牌納米石瓷專業電飯煲(按此重溫),感覺都真係唔錯,依家我地都KEEP住用呀!

當然除左電飯煲之外,仲有推出石瓷燒純瓷鑊,作為煮婦....煮食鑊都真係幾緊要,今次我就都有機會試用一下,等我嚟個小分享啦~
 

2017年9月19日星期二

【消暑解熱】冬瓜荷葉薏米水

18 SEPTEMBER 2017(MON)

明明已經到咗「立秋」,但都仍然係熱到冇朋友,唉….地球先生真係病得好利害了。星期日同小小豬入咗迪士尼玩HALLOWEEN,好耐都冇試過由朝玩到晚,小小豬就非常有精力,不過我就攰C咗,但見小小豬玩得開心都係值得! 

哈哈哈…又離咗題添,嗰日睇天文台話天氣唔穩定,初時都擔心會落雨,不過原來天氣好到不得了,由朝曬到晚,再加埋帶點悶焗,都真係幾辛苦。 雖然小小豬玩得高興,不過佢都曬到有點傻,嘴仔都曬到乾晒,當然要即刻煲番個消暑解熱嘅涼茶俾小小豬飲,等佢可以舒服番先得~

2017年9月18日星期一

【惡人有請 反轉迪士尼】Happy Halloween Time

17 SEPTEMBER 2017(SUN)

萬聖節看似唔多關小小豬事,不過在於小小豬立場,萬聖節嘅來臨就即係可以去迪士尼玩新遊戲。

其實往年小小豬都只係去同啲萬聖節裝扮嘅公仔影相,之後就去玩其他遊戲不過今年就有唔同,因為小小豬終於夠高同夠膽入鬼屋(呀...係詭夢實驗室先啱),所以今年佢完全係可以係迪士尼感受萬聖節氣氛呀~

2017年9月14日星期四

【清熱潤肺】蘆根馬碲雪梨茶

13 SEPTEMBER 2017(WED)

蘆根涼茶之前都煲過好幾次,因為小小豬都幾鐘意飲,話好似庶汁味好好飲。不過,好味嘅涼茶飲得多都會悶,所以又趁執藥材時去偷師,最後店主叔叔就教我煲依個蘆根馬碲雪梨茶,既可以清熱氣又可以潤肺,都好啱依家天氣飲呀~

蘆根有清熱嘅功效;馬蹄就有助清熱化痰、生津開胃;麥冬養陰潤肺、益胃生津及清心除煩;雪梨就可以化痰潤肺。(網上資料) 

2017年9月3日星期日

【滋潤健脾】印度椰子鮮淮山瘦肉湯

3 SEPTEMBER 2017(SUN)

印度椰子我都成日煲(因為真係幾鐘意飲嘛),前幾日陪小小豬去書店打書釘時,睇見一本烹飪書教煲依個滋潤健脾嘅印度椰子鮮淮山瘦肉湯,一見到話健脾就即刻想煲,所以又嚟煲依個靚湯俾小小豬飲啦~


2017年9月2日星期六

【清熱潤肺】金羅漢果雪梨茶

2 SEPTEMBER 2017(SAT)

前幾日去買材料煲涼茶時,店主姨姨落力向我推介金羅漢果,仲教我簡簡單單用雪梨一齊煲就已經好味又有益。

見佢之前教我煲嗰幾款涼茶都冇介紹錯,再加上個價錢又係同平時普通羅漢果嘅都係一樣,所以就又嚟試下煲依個金羅漢果雪梨茶俾兩位老細飲啦~
 
店主姨姨話將雪梨加埋金羅漢果齊煲,兩者加埋功效就可以清熱潤肺、對咽喉乾燥、痛癢、牙肉浮腫及經常捱夜令到身體積存火熱都好幫助。