2017年12月21日星期四

【機動遊戲又玩攤位】AIA友邦歐陸嘉年華2017

21 December 2017(THU)

一年一度嘅AIA友邦歐陸嘉年華又嚟啦! 

今日小小豬有個小任務,所以就可以係開幕日先玩一轉啦~

還記得小小豬第前年都有嚟過AIA玩過一次,嗰時都應該係五歲多,加上又細細粒,所以可以玩嘅嘢又唔算多。雖然今年佢都仍然係細細粒,不過好多遊戲都可以玩(尤其係可以自己玩攤位嬴禮物呀! 


今年AIA同往年一樣都有好多機動遊戲同攤位遊戲,不過就多左雜技表演同柏靈頓熊x倫敦場景遊戲區,我地第一時間搵柏靈頓熊玩返轉啦~

先嚟玩下推巴士,推中入郵票圈圏就可以有小禮物啦~

之後就有得玩踩水波,兩個小男生好努力咁踩,我地一群大人就不停向後走,因為俾佢地彈濕晒啦~

之後就有得玩踩水波激動過後就嚟文靜一返,乖乖地塗下顏色先~

塗完顏色之後,就可以交俾負責人SCAN入電腦,之後就可以係天幕出現啦~

仲有一個互動小遊戲玩添~

之後我地就轉戰玩碰碰車,不過因為小小豬唔夠高,所以要我陪玩啦~

之後佢就去玩一系列BB級機動遊戲,不過就辛苦SY哥哥陪玩了~

講到最受兩小男生歡迎,就一定係依個探索小屋,佢地玩左兩轉都話未夠呀~

之後我地就去玩新推出嘅互動遊戲,只要LIKE AIA FACEBOOK就可以玩到。雖然明知係假動物,不過睇住動物行嚟行去,都幾得意呀~

其實場內仲有好多唔同種類小朋友機動遊戲,不過小朋友心已經飛左去玩攤位遊戲了。其實種類都幾多,我地都唔知玩咩好,所以就行過見到咩靚公仔就玩嗰個啦~

 哈哈哈...一向玩攤位遊戲都唔叻,不過有SY哥哥幫手,都有少少收獲呀~

其實都玩得未夠喉,不過入夜後又開始凍返,加上小小豬狀態又麻麻,所以就早早離開。唔緊要啦...活動去到農曆新年,到時同DADDY再嚟玩過!


沒有留言:

發佈留言