2017年12月8日星期五

【產品試用】Whirlpool惠而浦滾筒洗衣機FSCR80420

8 December 2017(FRI)

洗衣機可以話係每個屋企都一定會有兼用得好密嘅家庭電器,我屋企用緊那部嘅年紀都比小小豬大,亦都因為用左咁耐,而且亦都用得好頻密(我都唔明點解三口子嘅家庭我可以隔日洗一機衫),所以係時候要準留意下要有咩新款更換了。

就係依個時候收到惠而浦邀請,試用佢地新推出嘅滾筒洗衣機。老實講....開心還開心,不過家電嘅嘢一向都係由老公負責,所以我收到邀請我都有叫老公睇下啲資料,睇完啲坊間介紹老公都話唔錯,所以就有新洗衣機用啦~

屋企用緊嘅冷氣機都係用惠而浦,但洗衣機就係第一次,唔知好唔好用呢~ 

全新SMART SILENCE系列洗衣機以第6感細緻科技以360°全面呵護衣物纖維及保存顏色,最多可以放8公斤衣物,而且仲可以最大脫水轉速1400轉/分鐘~ 

仲評為一級香港能源效益級別添~ 

以智能輕觸式LED屏幕操作~ 

隨機仲附有中文標貼,我個人就幾鐘意,因為唔洗下下睇說明書嚟搵洗衫模式嘛~

貼上去嘅位置都剛剛好呀~ 

衣內桶衣空間都好大,而且是不銹鋼抗菌,都應該會更加耐用。此外,仲設有「擊浪滾桶搖擺」功能,可以自動感測唔同衣物纖維而轉換洗衣模式。另外洗衣內桶係屬於 3+2 SilentPro筒型避震系統,所以令機身運行時比傳統洗衣機加倍穩定寧靜~

利用扭扭按鍵就可以好方便咁選擇洗衣模式啦~ 

有10種洗衣模式可以因為自己嘅衣物類型作出選擇,每一個模式都會同時顯示洗衣時間, 咁就可以有更多預算~ 

我自己多數用60分鐘混合洗依個模式,按好鍵之後就會自動偵測衣物量,用水份量,咁多功能都會顯示屏幕,有需要就可以作出微調,咁就可以好簡單洗衫啦~ 

我都幾鍾意可以自己選擇洗衫溫度同埋個脫水轉速,同埋5個加強洗衣功能。因為有時小小豬啲衫都真係幾多污漬,所以用熱啲嘅水,低少少嘅轉速,再加上高效除污功能,咁就好似洗得更加乾淨呢~ 

清潔儲存盒可以分開三隔,以加入漂白劑(消毒劑)、衣物柔軟精同埋洗衣粉,可以因應洗衣程序去洗衫,唔會浪費呢~ 

其實最令我鐘意都唔係佢有咁好功能,而係佢洗衫時真係超靜。因為洗衣機首獲Quiet Mark專業認証和最高端嘅直驅變頻馬達解決傳統洗衣機脫水時發出的尖頻聲,而且有三重寧靜機身設計加上ZEN靜音機身設計,有效吸收洗衣機所產生的震動及聲音。 

係整過1小時洗衫過程中,就只係聽到第一次注入水聲之外,其他時間都真係聽唔到佢有任何聲音發出,對我嚟講真係好重要,因為我真係好怕聽到那些摩打"燶燶"聲呀!  

洗淨力都不錯,洗出嚟嘅衫都好乾淨,不過我就非常常鐘意佢洗完啲衫唔會好皺,就算用上1400轉速,啲衫都唔會打結。洗完啲衫都唔會變"梅菜",所以有時懶懶地唔幫小小豬熨衫返學都唔會好醜怪呀~ 

作為一名師奶仔,係平日做家務時最重要就係方便同快捷,如果唔係又點偷到啲私人時間做自己鐘意嘅事。用左新洗衣機都大約3個星期,都真係覺得同我幾夾,用得都幾順心(尤其係依家秋冬衫比較厚,一次過洗多幾件厚衫,咁就唔洗堆積衫係洗衣籃,咁老公就唔會誤會我冇做家務啦...哈哈哈)! 






沒有留言:

發佈留言