2018年1月19日星期五

【LEGO迷必到】LEGO®新春遊樂園

19 JANUARY 2018(FRI)

話說小小豬都係一個小小LEGO®迷,由初時要陪佢一齊砌,到依家自己識得上LEGO®官網搵圖樣,然後靜靜地躲係房間慢慢砌,可以自娛一個下午(慶幸佢有依個興趣,如果唔係聖誕假期佢病左冇得去街,都有細藝打法時間....不過有個愛豬號DADDY就係一星期買左三盒LEGO®俾佢個寶貝仔)。 

謝謝LEGO®邀請,小小豬可以嚟邊睇邊玩LEGO®,佢一知道可以嚟玩都已經不知幾興奮啦~


為左配合農曆新年整個佈置就充滿中國喜慶特式,依啲古色建築景物都係以LEGO®微景模型嘅20倍放大版,所以話真係像真度滿分呀~

全場最..最...最吸睛就一定係Andy團隊用左五個月時間砌成嘅「巨型鴻運醒獅」,入面用左大約15萬粒 LEGO®砌成真係睇見到嘩嘩聲,因為每一個細節位都好細緻像真度真係非常高呀~

小朋友可以坐係三輪車上面影相,都唔錯呀~

大宅門~

 不得不留意依幅「運財小狗圖」,用約3萬顆 LEGO®砌成,絕對又係心機之作~

大觀園~

正廳堂~

嚟緊就係狗年,所以廳內展示左四個「港風 x 狗年 LEGO® 微景模型」,啲狗狗同財神好得意,好想帶晒返屋企呀~

當然場內都有好多唔同裝扮嘅Minifigures人仔,齊齊嚟影相啦~

行左一轉終於嚟到小小豬最期待嘅一個環節,就係砌一心嚟都係為左砌 LEGO®。先嚟砌出三款新年限定嘅「福氣財神」、「姻緣燈籠」及「如意涼亭」~

小小豬都真係好專心又有耐性咁砌依三款 LEGO®,就係佢努力砌時,我又可以有30分鐘清靜休息時間~

三個完成品都好可愛,小小豬話佢最鐘意係財神,因為係最難但佢又唔洗姐姐幫手,所以好有成功感咁話哦~

挑戰成功LEGO®迷除可以同完成品合照留念,仲會獲贈限量版「LEGO® minifigures 限量版揮春」乙套 (一套兩張), 工作坊證書以及贈品換領卡乙張憑卡於推廣 期內在場內 LEGO® Certified Store / 玩具”反” 斗城 / 一田百貨購買任何 LEGO®盒裝玩具,就可以免費帶走其中一款賀年特色模型啦

除此之外,仲可以LEGO®D.I.Y.許願工作坊~

只要「追蹤」廣場 IG就可以免費為自己設計一個LEGO許願牌,然後就可以掛係許願牆上,為新一年祝願啦~

小小豬設計嘅許願牌,佢話依個叫快高長大,不過......有咁多個頭會唔會有點驚嚇呢...哈哈哈~

我自己就最鐘意限量版38款Minifigures人仔潮語利是封,如果可以帶晒返屋企就十個正啦~

真心覺得今次依個新年佈置真係超正,各位LEGO®迷都一定唔好錯過,去開沙田記得嚟影靚相呀


More Information :
新城市廣場x LEGO®新春遊樂園
日期:2018年1月20日 - 3月4日
地點:新城市廣場一期三樓拱型玻璃天幕廣場 

LEGO®賀年特色工作坊
日期:1月20 日至 3月4日(逢星期五、六、日及公眾假期)
時間:下午 2 時至晚上10 時(於每小時整點,30 分各一節,每節 20 分鐘 )
方法: VIP Club 會員可以 5 分報名參加 非 VIP Club 會員可以即日消費的電子貨幣滿港幣 HK$600
名額:每日200 位 (名額有限,先到先得)

DIYLEGO®許願牌
方法: 追蹤新城市廣場 Instagram (@newtownplazahk) / 關注商場微信即可 

自選版利是封
方法:VIP Club 會員10分或以電子貨幣消費$1200,可於38 款 minifigures 圖案中自選 8 款 




沒有留言:

發佈留言