2018年2月23日星期五

【跟廚師整意粉】Pizza Express新鮮彈牙意粉

23 MARCH 2018(FRI)

今日同小小豬應邀嚟到尖沙咀Pizza Express睇下新鮮彈牙意粉嘅製作方法雖然我同小小豬都唔係食家,不過就好鐘意八八卦卦啲食物係點樣製造,所以就齊齊嚟見識一下彈牙意粉係乜東東啦~

為我地做示範同教小朋友整意粉嘅就係Mr. Francesco D’Onofrio大師,佢仲為左今次活動專誠遠道而來呀~

另一主角就係依一部全港首部嘅意大利Dominioni多功能意粉機啦~

原來整彈牙意粉都幾簡單,只要將麵粉同埋雞蛋液放入Dominioni多功能意粉機內~

然後配上指定嘅意粉模就得啦~

當見到啲意粉出嚟嘅時候,小朋友們就最開心,佢地仲幫手"CUT"啲意粉添。所以Mr. Francesco D’Onofrio今日講得最多就一定係"CUT....CUT....CUT"~

新鮮寬條麵就已經完成啦~

之後就換上螺絲粉的模,又可以再"CUT"過~

幾位小朋友合作做好嘅新鮮螺絲粉~

除左用意粉機整,大帥仲教小朋友手整意粉添~

好在之前同小小豬都去整過下麵條,所以佢都叫做到,唔係攪攪陣冇幫襯...哈哈哈~

不過....小朋友們好似對整意粉興趣不大,佢地好似對亂搓一通比較開心哦~

原來係小朋友手整意粉時,大會將小朋友剛才新鮮做嘅意粉煮好等我地可以一試新鮮意粉嘅味道~

新鮮即食嘅口感又真係唔錯,雖然都只係用鹽及橄欖油來煮,不過入口都唔會覺得好淡,而且仲真係好彈牙,小小豬都話好食,仲食左好多螺絲粉添~

先嚟一個Tagliatelle Meatball Bolognese 意式肉醬寬條麵 -  牛肉醬、肉丸、巴馬臣芝士碎、番茜碎,不過啲肉丸就帶有少少胡椒味,所以可能未必太啱合小朋友,所以我地大人就負責KO佢啦~

仲有Fusilli con formaggi e Pancetta 意大利煙肉螺絲粉 - 螺絲粉配以意大利煙肉、忌廉同埋意大利藍芝士,超鏗意佢嘅勁芝士味呀~

其實兩款意粉個質感都係差唔多,食落都係好彈牙,不過我同小小豬一向都係鐘意食忌廉芝士汁多(唔好意思...我係一名芝士控...哈哈哈),所以我地就對螺絲粉偏心少少啦

除左試新菜,我地仲叫左好多美味食物,實行邊食邊傾,開開心心過一個晚上

雞肉凱撒沙律,好鐘意食佢嘅脆脆麵包粒,加埋個沙律醬汁一齊食,好清新嘅感覺~

Lava軟心芝士薄餅 - 依個可以話係小小豬至愛,因為佢話有蕃茄同芝士,兩樣都係佢鐘意食嘅,所以佢食左兩大件呀~

Peking Duck 北京烤鴨薄餅 - 依個Pizza真係俾左我一個驚喜,因為真係好似食緊北京填鴨咁,但又唔會好油漿住個口咁,所以真心推介依個中式Pizza呀(另..每出售一個PizzaExpress就會捐出$8俾智行者基金呀)~

食完主餐都總係要食少少甜品其實都唔少,因為我地女仕同小朋友係有另一個甜品胃嘛

麵包球可以話係我地大家都最期待嘅一款小食,所以就分別點左橘子麵包球同埋麵包球配榛子朱古力醬,麵包熱辣辣仲外脆內軟,加埋啲醬下一齊食真係好好味,一眾小朋友話咁快就齊齊分晒啲榛子醬麵包球啦~

Dessert Platter 甜品拼盤 - 有齊心太軟、 蛋白蛋糕、 檸檬果醬撻,真係一次過滿足晒食甜品嘅口味,我個人就鐘意食蛋白蛋糕,因為真係好脆口,而且完全唔覺得甜,我都依家都好回味呢~

Torta Real 意式無花果乾咖啡蛋糕 - 依個甜品都幾得意,感覺有少少似Tiramisu,但又多左無花果乾好似健康啲佢嘅咖啡味又唔會好濃,而且又唔會太甜呀~

食得飽飽就係時候回家去了~


由3月9日開始,期間限定係海分店推出新鮮即製意粉,只要係推廣期內惠顧任何意粉,都可以免費升級至新鮮意粉。而且定時都會有廚師即場示範用Dominioni 多功能意粉機整出不同意粉,有興趣朋友仔路過嘅話都可以去睇下呀


More information :
Website:https://www.pizzaexpress.com.hk/
Facebook:
https://www.facebook.com/pizzaexpresshk/



沒有留言:

發佈留言