2018年4月15日星期日

【熊本親子之旅】地震後的熊本城

5 APRIL 2018(THU)

嚟到熊本又點可以唔嚟睇下依個日本三大名城之一嘅「熊本城」,雖然我地今次嚟睇嘅就係經過地震後嘅「熊本城」,不過一樣係咁有歷史價值,同埋好值得令人反思呀~

原來兩年前(2016年)嘅四月熊本連續發生左兩次地震,除左令數千百名市民傷亡之外,仲有好多建築物損毀,當中熊本著名古蹟「熊本城」都因為依兩次嚴重倒塌。

「熊本城」係一個充滿歷史價值嘅地方,係加藤清正於1601年下令施工耗7年時間建成嘅宏偉城堡以用作保護城河及對付外敵以保家國~

旅行除左玩樂之外,了解當地文化都係好有意思活動。老公就非常鐘意依啲活動,佢成日都話去玩邊度都可以,了解當地嘅歷史都係另一種體驗。所以今次行程就真係啱晒佢,因為大會安排左導賞伯伯為我地沿途介紹,仲好似講故事咁同我地講歷史呀~

一邊聽歷史,一邊望到因為地震倒塌嘅情景,都真係令人帶點心痛~

望到依個情景,都會覺得其實我地香港都已經係一個幸福嘅地方,起碼唔洗擔心會受到無情天災影響,唔會因為地震令人無家可歸。雖然我都知我一個人唔可以做到啲咩去影響依家嘅大環境,不過我深信做好自己,教好小小豬正確價值觀,一代傳一傳.....咁就可以有更好嘅未來啦(SORRY....不發傻想....離左題添)~

我地見到嘅只係地震後嘅外觀影響,其實內裡都一樣受重傷呀~

由於「熊本城」係使用天然建築所興建,所以佢地修葺也堅守保護熊本城原有容貌把原本損毀嘅石頭保留,再將石頭編上號碼,然後一磚一瓦排列後歸回原有位置,所以重建估計須時20多年呀~

部分「熊本城」外貌都慢慢維修了~

我深信熊本市民上下齊心,加埋佢地心中嗰一團火一定好快可以回覆原貌.....「熊本城」...加油~

 之後我地就行到「熊本城」嘅西南側,就係充滿江戶味道嘅「城彩苑」~

嚟得依度就當然係SHOPPING好時機,不過我們嚟到都已經係下午四點幾部份商店都準備關門,所以可以SHOPPING店鋪就唔算多了~

不過都仍然有啲小食...精品俾小小豬EYE SHOPPING....哈哈哈~

當然唔少得小小豬至愛嘅食店員姨姨仲俾左多款小食佢試添~

小小豬仲買左一個部長人形燒餅食添~

原來「城彩苑」正門都好有氣氛,不過因為下雨關係,佢地兩父子急急腳走上旅遊巴,冇同我影相,真係激C我啦~

嚟參觀「熊本城」初時都擔心小小豬會悶冇耐性,不過又估佢唔到全程都好留心聽導賞伯伯講解(佢當然唔識日文,其實係望住伯伯啲圖片,聽住翻釋姐姐講)唔通佢兩父子都一樣鐘意聽埋啲歷史事故....哈哈哈!



More Information:  
熊本城
地址:熊本市中央区本丸1-1
Website:http://kumamoto-guide.jp/kumamoto-castle/ 

城彩苑 
地址:熊本市中央区二の丸1番1-1号 
Website:http://www.sakuranobaba-johsaien.jp/





沒有留言:

發佈留言