2018年7月31日星期二

【郵輪初體驗】星夢郵輪三日兩夜海上之旅

27-29 JULY 2018(FRI-SUN)

其實唔止小小豬,就連我地都係第一次上郵輪玩,所以我地三口子都對今次三日兩夜嘅星夢郵輪之旅都好期待,唔知係船上有咩玩呢?

一向俾我嘅感覺郵輪都係一啲大朋友嘅玩樂地方,但原來依家都已經有好多小朋友鐘意嘅活動,好啱一家大細嚟玩~

2018年7月30日星期一

【兩日一夜超放電之旅】迪士尼巨星嘉年華@迪士尼探索家酒店

25-26 JULY 2018(WED-THU)

由上次入樂園之後,小小豬就迷上左Incredibles,佢成日都話超人爸爸好有型,好鐘意超人爸爸(好明顯係因為佢太愛佢DADDY,條件反射咩都係爸爸好啦)。

當小小豬知道我地嚟入住迪士尼探索家度假酒店,仲可以入住超人特攻隊主題房間時,佢興奮狀態簡直去到巔峰呀~ 

2018年7月24日星期二

【清熱消暑】蘋果粟米鬚馬蹄水

24 JULY 2018(TUE)

粟米鬚可以話係小小豬至愛涼茶之一,每次行街市見到有新鮮嘅靚粟米鬚我都會買返斤嚟煲俾小小豬飲

之前多數都係用佢嚟煲紅蘿蔔同馬蹄(按此重溫),雖然係好好飲,次次都俾佢兩父子秒殺清晒,不過飲得多都怕佢地悶。前日睇報紙見到有介紹用蘋果嚟煲就可以既清熱消暑又有助開胃,所以等我又嚟試試新款式啦~

2018年7月23日星期一

【上天下海一天遊】360 大嶼山文化探索深度遊

22 JULY 2018(SUN)

話說依排小小豬每一次經過港鐵入口,佢都一定俾張大大嘅海報吸引住(一張昂坪360最新嘅宣傳),然後佢就會問我.....媽咪幾時帶我去搭360呀?我好想去望好靚嘅風景呀!咁其實我自己都好想去,因為我好想入大澳買海味。

正當我計劃緊搵個好日子三口子齊齊動身之際,收到公關姐姐嘅邀請,體驗360大嶼山文化探索深度遊,一次過可以滿足我同小小豬,就當然即刻報名參加依個咁好玩嘅活動啦~

2018年7月22日星期日

【學做甜品又食buffet】夏日繽紛樂@北角海逸酒店

21 JULY 2018(SAT)

小小豬就最鐘意食曲奇餅,所以平日都好想齊齊整下但無奈屋企只得一個光波爐,用嚟整曲奇真係十次有九次係失敗,所以係設備有限嘅情況下我都唔敢係屋企動工

今次得到北角海逸酒店嘅邀請體驗佢地暑假推出嘅『夏日繽紛樂』活動,有酒店廚師哥哥教整日式芝士撻同埋曲奇,仲可以食個豐富嘅自助晚餐,所以就嚟邊玩邊食啦~

2018年7月21日星期六

【學做街市小幫手】蠟筆小新玩轉「香港街市」@啟田市場

21 JULY 2018(SAT)

基本上小小豬由細細個都有陪我去行街市嘅習慣,因為我都真係鐘意行街市多過行超市,同埋帶埋小小豬去行街市又可以俾佢同多啲唔同朋友仔接觸,唔多唔少都可以學到點同人溝通(因為街市姐姐都真係好鐘意同小朋友傾計....當然我講嘅係唔旺嘅時候啦)

不過隨住小小豬返左小學,陪我一齊行街市嘅機會就少左,冇法啦....全日制就係比較少時間,所以依家都係放假先可以陪我啦

今日就有少少特別,小小豬約埋小新同美冴一齊嚟反轉「香港街市」~

2018年7月19日星期四

【LEGO 60週年】我們的遊樂場@荃灣廣場

19 JULY 2018(THU)

其實我都係玩LEGO大嘅,仲記得細細個都砌過消防局....警署....,唔知小小豬係咪遺傳左我,所以依家都咁鐘意 LEGO呢?

原來LEGO 顆粒已誕生60週年,所以荃灣廣場就舉辦依個「我們的遊樂場」活動,等各大小LEGO迷可以齊齊玩,當然小小豬又點可以錯過依個玩LEGO嘅機會,嚟大玩特玩一番啦~

2018年7月18日星期三

【健脾化濕】淮山茨實木瓜湯

18 JULY 2018(WED)

行入街市見到好多大大粒嘅紅肉木瓜,見到咁靚就當然要買嚟煲啖靚湯飲下,所以就買齊材料煲返個既可以養胃潤燥,又可以健脾化濕嘅淮山茨實木瓜湯啦~

2018年7月17日星期二

【試用分享】FRESH HY 洗衣啫喱球

17 JULY 2018(TUE)

雖然屋企都只有三個人,但唔知點解啲衫就總係咁多,基本上一星期都要開三次機去洗衫,日子有功所以我都對洗衣用品有丁點研究(因為成日都貪新鮮咩都買嚟試..哈哈)

洗衣啫喱球之前係某數字店都買嚟用過不過感覺又好似麻麻地。今次經公關朋友介紹認識到日本製造嘅FRESH HY 洗衣啫喱球,唔知佢個洗衣效果係點呢~

2018年7月16日星期一

【試用分享】MoonRock MR1護脊書包

16 JULY 2018(MON)

小小豬好快就會係一個三年級小學豬,對新學年佢最著緊嘅除左係啲教科書之外,另一個就係有冇一個靚靚書包用。咁我又覺得書包都真係幾重要,話晒都陪佢返學哦,所以我都有打算買個新書包等佢開開心心返學

就正當我開始考慮買咩款書包嘅時候,就收到MoonRock送俾小小豬嘅禮物 - MR1護脊書包,睇下佢知有新書包用個樣幾開心~


2018年7月15日星期日

【好味快靚正】勝瓜粉絲大蜆煲

15 JULY 2018(SUN)

每日諗煮咩就係最頭痛,行過海鮮檔就醒起前日出街食嗰一個大蜆煲嘅分量真係少得驚人,根本都食唔夠,所以今日就等我嚟一個自家制嘅勝瓜粉絲大蜆煲,滿足一下自己先~

2018年7月14日星期六

【桌遊迷喜訊】樂在棋中家庭分享會2018

13 JULY 2018(FRI)

說我地屋企有一條好嚴嘅家規,就係每晚小小豬最遲九點半就一定要瞓覺覺豬,就算佢依家大個仔都依然係要遵守。因為DADDY話唔容許見到小小豬有黑眼圈,同埋有足夠睡眠質素人都健康啲,所以基本上我地都真係好少去夜街。

唯獨依一個晚上DADDY唔阻止之餘,仲非常樂意我地夜返,知唔係小小豬最熱愛嘅樂在棋中嘅活動啦~

2018年7月13日星期五

【互動數碼感官體驗】ぱぱぱParty玩!玩!玩!體驗館@PopCorn

13 JULY 2018(FRI)

日本大受歡迎嘅互動數碼感官樂園【ぱぱぱParty玩!玩!玩!體驗館】首度引進香港,咁好玩嘅活動就當然要同小小豬嚟玩一轉,等佢體驗4大多元感官互動遊戲,透過視覺、聽覺及觸覺重新激發觀察力及想像力,嚟一個超級大放電啦~

2018年7月12日星期四

【變身小英雄】皇室堡 x PJ Masks睡衣小英雄聯盟

12 JULY 2018(THU)

今個暑假皇室堡PJ Masks 三位主角 Gekko、Catboy同埋Owlette坐陣,有得玩就當然要帶小小豬嚟玩一轉,去搵三個睡衣小英雄影相同,仲要挑戰兩大任務,變身成為小英雄啦~

2018年7月11日星期三

【加菲貓孖住聾貓開PARTY】仲夏鬆一鬆@青衣城

11 JULY 2018(WED)

話說我同加菲貓都為不解之緣,所以知道可以嚟同佢集郵就緊係即刻同小小豬嚟青衣城一轉,原來除左加菲貓之外,仲有另一主角聾貓,仲唔好開心孖住上...哈哈~

2018年7月8日星期日

【加勒比的日與夜】動夏嘉年華2018@海洋公園

7 JULY 2018(SAT)

基本上我地每年都會嚟海洋公園參加夏水禮,因為小小豬真係超鐘意玩水。今年嘅夏水禮就改左係威威天地舉行,雖然感覺就細左啲啲,但小小豬一樣玩得投入。另外,仲有三個大型表演節目,又噴水又跳舞,超有加勒比嘉年華氣氛,絕對係啱晒一家大細去玩~

2018年7月5日星期四

【袪濕解暑】老黃瓜粟米紅蘿蔔陳腎湯

5 JULY 2018(THU)

今晚表妹仔嚟食飯,就緊係要煲個靚湯俾佢飲。依排一時落雨又一時陽光普照,都真係幾難適應,所以就煲返個既可以袪濕又可以解暑嘅老黃瓜粟米紅蘿蔔陳腎湯俾大家,不過......最重要係....因為我鐘意食老黃瓜囉~

2018年7月3日星期二

【兩小時放縱】季節限定榴槤放題@貓山旺

2 JULY 2018(MON)

記得有朋友曾經講過,當你年紀越來越大嘅時候,你嘅口味都會有所改變,就好似你後生時唔食嘅嘢,到左某一個年紀就會慢慢接受。初時我都唔太信,不過慢慢地就覺得又好似係係地哦

還記得細細個嘅時候,每當家人係屋企食榴槤時,我都一定嘈到冇朋友,仲成晚都躲係房間入面唔肯出嚟(因為真係唔太頂得順嗰一陣味)。但又點估得到,今時今日一把年紀嘅我又會愛上左食榴槤,仲超興奮咁應邀嚟貓山旺食榴槤放題呀~

2018年7月2日星期一

【產品試用】 Salabless日本天然防晒防蚊產品

2 JULY 2018(MON)

夏天一到去戶外玩就好做好兩個措拖,既然防蚊蚊錫錫之外,仲再預防太陽伯伯,都真係幾忙。雖慘就係我同小小豬都好怕塗太多嘢係新身上,所以唯有因應當日需要,只防其中一樣

早前公關姐姐介紹左Salabless品牌俾我,佢仲大讚一次過做到驅蚊同防曬霜功效,咁方便我就當然有興趣,所以我同小小豬就收到依份小禮物,可以齊齊試用一下啦~

2018年7月1日星期日

【兩日一夜輕鬆之旅】嘉湖夏逸AR體驗親親大自然

30 JUNE 2018(SAT)

雖然小小豬都仲有半個月先開始放暑假,不過佢都已經開始大玩特玩,每一日唔去玩都唔安樂。咁...其實都已經係學期尾,平日又冇乜功課,去玩都係好正常事,始終小朋友就係需要去玩嘛

今個週未佢就真係玩得超興奮因為應邀嚟參加嘉湖海逸酒店為暑假推出嘅「嘉湖夏逸AR體驗親親大自然」活動,有玩水之餘又可以來一個AR大自然之旅添~