2018年7月19日星期四

【LEGO 60週年】我們的遊樂場@荃灣廣場

19 JULY 2018(THU)

其實我都係玩LEGO大嘅,仲記得細細個都砌過消防局....警署....,唔知小小豬係咪遺傳左我,所以依家都咁鐘意 LEGO呢?

原來LEGO 顆粒已誕生60週年,所以荃灣廣場就舉辦依個「我們的遊樂場」活動,等各大小LEGO迷可以齊齊玩,當然小小豬又點可以錯過依個玩LEGO嘅機會,嚟大玩特玩一番啦~

「我們的遊樂場」就係商場中庭係分為兩部分,既有五大互動玩樂區,仲有由丹麥總部特別運送到港,首次係香港展出唔同年代及經典嘅 LEGO 展品,當然更加蘆可以少左LEGO期間限定店,最重要係免費就可以玩到啦!

一入場就已經俾個3 米高嘅巨型 2×4 LEGO 紅色粒粒吸引住係由全港唯一 LEGO 專業認證大師 Andy Hung 及團隊設計與拼砌,運用超過 13 萬塊 LEGO 顆粒~

真係做得好仔細,好利害呀~

展品底部仲有好多2×4紅色粒,俾小朋友發揮創意及想像力,砌出屬於自己嘅作品。唔知大家睇唔睇到小小豬砌左啲咩呢..哈哈哈~

見到部戰車就緊係要嚟影返張型仔相啦~

仲有依部5米長嘅雙層LEGO開篷巴士,都係一個影相靚位,小朋友仲可以入去扮做巴士司機呀~

依個百變小鴨池就可以俾小朋友砌出唔同嘅黃色小鴨~

話咁快小小豬就砌好左兩隻黃色小鴨啦~

仲可以砌埋花花添~

遊樂場就當然唔少得滑梯,所以就嚟4米高嘅巨型 LEGO 滑梯組合屋玩下啦(註 : 滑梯高度限制為 90cm - 150cm)~

鐘意砌車嘅小朋友就一定要去玩依個 極速天地~

有唔同嘅LEGO 賽車零件,等小朋友設計自己嘅賽車~

之後就可以用賽車跨越高難度跑道~

睇小小豬咁滿意嘅笑容,就知佢部賽車係挑戰成功啦....哈哈哈~

最後就嚟搞『軌』火車站玩下啦~

原來依家玩LEGO仲可以配合埋平版電腦,可以用嚟智能遙控操作火車遊走LEGO CITY~

玩完就行過對面,睇下LEGO期間限定店有咩新款LEGO先~

記得唔好漏左後LEGO Brick 60週年歷史展覽~

活動邀請左多位 LEGO達人合力製作經典世界大事模型,可以回顧不同年代嘅世界大事。不過計我話...睇佢地嘅設計都已經抵,因為真係好似模似樣,相信各位達人都用左好多努力同心血呀~

仲有一系列歷史展品,佢地都係由丹麥首度空降香港,展示絕版及不同 年代極具特色嘅LEGO套裝~

More Information : 
荃灣廣場 × LEGO 我們的遊樂場  
日期:7 月20日至9月2日 
時間:10:30am - 9:30pm (互動遊樂區開放時間:1pm - 9:00pm) 
地點:荃灣廣場 L1 中庭及展覽長廊 

 TWP VIP Club 會員於荃灣廣場內商舖消費滿 HK$400 及於 LEGO 期間限定店購買任何 LEGO 盒裝玩具滿 HK$600 即可換領經典樂高積木筆筒;參與任何互動遊樂區及讚好荃灣廣場 Facebook 或追蹤荃灣廣場 Instagram,即可得到 LEGO 贈品換領卡一張,憑卡於 LEGO 期間限定店消費,即可換領 60 週年紀念火車(7 月 20 日至 8 月 18 日)或 60 週年紀念貨車 (8 月 19 日至 9 月 2 日),數量有限,換完即止。 


沒有留言:

發佈留言