2018年9月2日星期日

【打造智能家居】家居佈置小幫手

28 AUGUST 2018(TUE)

話說老公好鐘意躲埋係房間睇電視,咁平日廳部電視都因為小小豬唔太睇電視關係我地都好少開,俾佢入房閉關都好正常,但係佢一睇就會將房間內所有燈都熄晒,話咁煲劇氣氛好啲哦(我都知...咁仲會好傷眼睛添)

所以就想搵啲靚燈,既可以佈置下房,又可以有少少燈俾老公煲碟經朋友介紹之下認識左PLC,所以就嚟睇下有冇啲啱嘅靚燈啦~

一入到嚟就俾依SET Philips Hue 吸引住~ 

佢嘅安裝都真係超簡單,只再加一個Hue橋接器,然後將燈膽改為Hue專用的就可以用到除左方便之外Hue燈膽所用嘅電力比傳統電燈膽用嘅係少五倍,所以都係一個環保之選~

最好就係只要係手機安裝左 Philips Hue app裝置,咁就可以利用手機嚟控制白色或者自己鐘意嘅唔同顏色嘅自訂燈光呀~

除左燈膽之外,仲有依個HueGo 檯燈都好吸引~


檯燈同樣係可以轉換不同顏色~

而且最好就係佢一啲都唔熱,就算小小豬拎上手都完全冇問題,所以...小小豬已經想買一個放係佢床頭啦~

睇完燈店員哥哥又為我地介紹另一個好玩小玩意,就係依個Tichome Mini~

Tichome Mini可以話係一款智能控制接收器,基本上大部分屋企嘅智能家居設備都可以用嚟控制,所以都可以用嚟聲控Philips Hue~

不過最好玩都係只要講“OK Google”,然後用英文問你想問嘅問題,好似天氣、串字、翻釋....等等,佢都一樣可以回答,所以小小豬都不知玩得幾興奮。當然除左互動問題之外,仲可以用嚟當鬧鐘、用Google播放歌曲同安排日程添~

作為鐘意影相嘅我就對依個AvatarOn百變燈掣超級有興趣~

因為佢個掣面上係可以做一個自訂款式,可以將自己鐘意嘅圖又或者相片拎去快圖美,就可以做到一個靚靚燈,仲唔係啱晒我依啲鐘意相片周圍貼嘅人呀~

燈掣係無邊柜嘅,而且佢都真係好易裝拆,輕㩒下㩒下就得啦~

另外燈掣有一個柔光效果,咁係夜晚摸黑都可以輕易搵出燈掣位置啦~

就係小小豬一句戲言"乜依度都有門鎖買",所以店員哥哥就好落力咁為佢介紹依個三星 SHS-P718LMKEN 智能門鎖~

話事話自己都冇睇門鎖好耐,估唔到依家嗰啲真係咁先進用指紋、感應卡、密碼就可以開門,就算冇帶鎖匙都可以好順利返到屋企,完全啱晒一啲大頭蝦呀~

依家除左有折扣優惠,仲有得大抽獎嬴電話,攪到小小豬好想買換左屋企度門添~

原來PLC已經33歲(我真係大鄉里了),所以都有好多限定優惠,同埋折扣優惠。今日因為時間關係我都唔可以慢慢睇埋其他產品,搵日捉老公嚟再行過先得~





沒有留言:

發佈留言