2018年9月24日星期一

【試用分享】Witspal唯賜寶智能正姿筆

24 SEPTEMBER 2018(MON)

由開始學寫字開始,小小豬都有一個問題,就係佢嘅渣筆姿勢都係我最勞氣嘅事。細細個就話可以用粗嘅三角筆,又或者用筆膠幫助,但佢依家已經係三年級小學豬了,佢都開始抗拒用筆膠(可能同班同學仔冇人用,佢識得怕醜啦..哈哈哈) 。

依個時候收到witspal唯賜寶正姿護眼筆,一支筆就可以解決小朋友寫字低頭、錯誤握筆同埋光線不足依三個渣筆問題,好似又幾啱小小豬哦~

『智能正姿筆』係全球第一支專為5-12歲兒童設計嘅「防近視智能筆」,能夠即時以聲音、指示燈、顯示屏幕及筆尖主動縮回反應,向小朋友提出糾正與提醒,幫助小朋友養成良好嘅渣筆及護眼方法~

除左一支正姿護眼筆之外,仲附有中性筆、自動鉛筆及鉛筆芯同埋USB充電線。

換筆芯方法都好簡單,只要扭開個蓋就可以啦~


筆身設有LED屏幕及喇叭,只要坐姿、光線同渣筆姿勢唔啱,就會有聲音及圖示提示,同時筆芯亦會自動自動縮回~


因為利用紅外線即時檢測功能,只要調整回正確姿勢,筆芯就會伸出來,咁就可以繼續寫字啦~ 


筆頭有microUSB充電位,一次充電最長可用到20小時~  

好啦…就等小小豬試下個成效先,坦白講初初用嘅時候用支筆都真係好大問題,支筆成日都會閃閃下又不停響,最慘就係筆芯縮左入去,做一份詞語功課都用左半個鐘~ 

用左一段時間,小小豬用『智能正姿筆』個渣筆手勢都好似有少少改善,依家筆芯縮回情況減少左~


由於小小豬係學校都唔可以用鉛芯筆,係學校用回普通鉛筆,所以依支筆都只係留係屋企用。可能鉛筆同正姿筆嘅手感始終都有唔同,所以佢用鉛筆時嘅渣筆手勢都仍然係有待改善,但總對比之前嘅手勢都好左啲啦! 


More Information :
https://kmall.baby-kingdom.com/witspal-smart-pen-fyc-02l-1.html




沒有留言:

發佈留言