2018年10月13日星期六

【由日玩到夜】萬聖之王 反轉迪士尼

13 OCTOBER 2018(SAT)

還記得上年小小豬第一次入鬼屋,佢完全唔驚之餘仲好掛住小兔(即係鬼屋入面愛麗詩嗰隻兔仔)踏入十月又提醒小小豬萬聖節即將來臨,可以再入鬼屋玩謝謝香港迪士尼樂園嘅邀,我地三口子就齊齊入園感受【萬聖之王 反轉迪士尼】~

今年剛好係《怪誕城之旅》上映25周,所以就以阿JACK做主角一入到嚟就見到JACK同Oogie Boogie係門口等緊我地啦~

當然唔少得四周圍可愛嘅MICKEY南瓜頭佈置啦~

JACK & SALLY真係無處不在,負責哥哥係地上畫左佢地嘅圖畫,好靚呀~

入面我嘅目的就係集郵,第一時間就係要去搵埋萬聖節裝扮嘅Cookie & Duffy啦~

之後仲去左「動畫藝術教室」學畫大壞蛋 Oogie Boogie~

一向畫功唔太好嘅小小豬嘅完成品,完全係驚嚇版Oogie Boogie嚟呀...哈哈哈~

當然唔少得要去同搵JACK & SALLY啦~

四周都係南瓜,小小豬都話要同佢地影相呀~

我地沿路邊行邊玩,行過TOY STORYLAND都有三個驚趣影相位,記得唔好漏左佢地呀~

玩左幾個遊戲之後就時間剛剛好,可以去睇米奇Halloween玩轉大街派對啦~

我地最大目標就緊係入去「怪誕城之旅」~

我就唔係度劇透了,等大家自己入場感受下,總之場景係做得好靚,每一個位都好指細,有兩個同小朋友互動位,小小豬仲俾SALLY捉左出去玩添。(場內係唔可以進行任何拍攝,大家要自律,做個好榜樣俾小朋友睇呀)。

睇完怪誕城之旅出嚟,仲有幾隻"鬼鬼"出嚟同大家玩,依個小小豬完全係唔識驚,仲捉住"鬼鬼"狂玩添呀~

小小豬仲去左Halloween詭趣花園~

去到入面就整南瓜袋同面具~

當然就唔少得去問職員玩trick-or-treat拎糖糖啦~

最後就當然要睇埋迪士尼惡人大出巡3.0~

今日真係玩得超級盡興呀,由日玩到夜,不過亦都因為時間所限,小小豬掛住去trick-or-treat冇搵Halloween打扮嘅一眾朋友同大惡人影相,我就有丁點失望。唔緊要啦,最緊要都係小小豬玩得開心又投入,最多咪搵日俾個機會要再入嚟集郵啦....哈哈哈




沒有留言:

發佈留言