2018年12月9日星期日

【睇住APP學整曲奇】HBOAsia WeBareBears 曲奇工作坊

9 DECEMBER 2018 (SUN)

其實我成日都好想同小小豬一齊整下蛋糕曲奇,既可以親子又可以滿足一下口福雖然屋企都有個焗爐,不過一諗起整完之後嘅善後工作,同埋一買就要買好多材料係屋企擺,我就即刻就唔想去開工


HBO Asia嘅邀請,終於有機會齊齊曲奇,我地係整HBO GO新增嘅兒童節目中嘅最受歡迎嘅卡通人物WeBareBears啦~

WeBareBears咁受歡迎,嚟到就緊係要打個卡先啦~

今日我地嘅就係Bakebe學整曲奇,佢地係提供一站式自助服務,跟全用佢地嘅APP內食譜,就可以成功整到啦~

佢地嘅設備都好充足,大部分嘅食材同工具都齊晒哦~

為左方便各位小朋友,大會已經為一眾小朋友準備好晒WeBareBears曲奇嘅材料~

著好圍裙同廚師帽,就可以開工整曲奇啦~

雖然係屋企都少整,但小小豬之前都有同我整過下,所以佢都有丁點印象,再加上佢邊整時就邊跟住個APP內食譜步驟,所以佢話完全唔洗我幫手,要自己一手一腳整咁話~

當然佢都有唔識嘅地方,佢就即刻舉手搵負責姐姐幫手解決問題(辛苦晒姐姐耐心咁解答依個問題小豬)~

唔知係咪隻豬仔真係大個仔左,佢今次整曲奇又真係有板有眼,一步步慢慢咁整,仲整得好專心又認真添~

幾經努力佢終於整到個麵團啦~

之後就到小小豬話最好玩嘅一環就係......碌...碌,碌平個麵團啦~

之後就可以係個麵團上蓋個曲奇餅底啦~

拎埋啲曲奇入爐焗就可以話完成左一半工作~

係等曲奇嘅時候,工作人員就拎出另一部iPad,俾小小豬睇下WeBareBears卡通~

HBOGO除左有WeBareBears之外,仲有好多唔同嘅兒童節目,只要下載個APP,然後開設一個帳號,就可以睇佢地嘅節目。而且最好就係只要登記一個帳號可以有五個預設用,咁爸爸媽媽嘅iPad/手提電話都可以同時睇到

雖然我平日都好少俾小小豬用iPad/電話玩GAME同睇片因為我真係唔鐘意俾佢睇YOUTUBE嘅片(當然睇佢自己做主角嘅片係例外...哈哈),因為啲片好似冇乜監管一個唔小心睇左啲唔應該嘅片就大件事

小小豬聽到姐姐介紹時雙眼就好似發光咁,仲想我快快申請等佢可以睇多幾集WeBareBears。我HBOGO嘅兒童節目都係正面健康,而且我地家長下載完先俾小朋友睇所以都會下載個APP俾小小豬間中睇下兒童節目~

睇左一陣卡通片,啲曲奇終於焗好,之後我地拎埋啲糖霜做埋最後一個步驟~

吱糖霜小小豬之前都整過,所以佢話好簡單,又唔俾我落手自己去整呀~

佢又好似吱得似模似樣哦~

小小豬嘅大作終於完成,除左個"豬"係我寫之外,其他都係佢自己整嘅,雖然同左邊個樣版係有好大出入,不過都叫做係佢自己嘅努力成果,所以.....都算佢任務完成啦~

睇下佢拎住自己整嘅曲奇個樣幾得戚,仲帶點有成功感添~

整曲奇最怕就係啲善後工作,嚟一站式自助服務,跟住APP內食譜就可以成功整到,既有滿足感又有好嘢食。最好就當然係整完之後可以咩都唔理,拎住啲完成品就走人。。正呀!


沒有留言:

發佈留言