2019年12月6日星期五

【滋補助發育】太子蔘田七螺片烏雞湯

6 DECEMBER 2019(FRI)

話說之前聽店主叔叔介紹煲左個滋補長高嘅太子參淮山田七瘦肉湯俾小小豬飲(按此重溫)每次都算係威迫利誘,不過一聽到係"快高長大湯"小小豬都會乖乖咁飲嘅

不過由今次開始佢就可以好暢心地飲"快高長大湯",因為今次我加左乾螺頭及烏雞去煲,除左滋補强壯,幫助長高及對脾胃功能弱的人之外,仲可以幫助抗疲勞、提高學習和記憶能力嘅作用添~

2019年12月2日星期一

【玩轉方舟過聖誕】童萌聖誕大派對@挪亞方舟

1 DECEMBER 2019(SUN)

謝謝 挪亞方舟 邀請,等小小豬可以率先嚟參加聖誕限定嘅特別節目童萌聖誕大派對,有得玩依隻豬又點會唔興奮,所以佢心情完全係未出發先興奮呀~

2019年11月27日星期三

【養陰潤燥清肺熱】雪梨乾玉竹淮山茶

27 NOVEMBER 2019(WED)

依排啲天氣真係攪到成日喉嚨同皮膚都好乾乾咁,所以又係時候煲返啲滋陰嘅涼茶先得

剛好早排都係藥材店入手左一啲煲湯料,打開寶箱就見到一大包雪梨乾,所以就加埋玉竹同淮山一齊就係咁就嚟一個...養陰潤燥兼清肺熱嘅雪梨乾玉竹淮山茶啦~

2019年11月17日星期日

【超滿足傳統晚餐】 飛『粵』夢『功』場自助晚餐@港島太平洋酒店

16 NOVEMBER 2019(SAT)

一向食自助餐我地都係集中食海鮮、刺身、甜品咁,好多時都會忽略左熱食菜式。不過今次港島太平洋酒店推出以傳統菜式為主嘅「飛『粵』夢『功』場自助晚餐」,佢地熱葷出左好多特式嘅粵菜啱晒一向鐘意食中菜多過西餐嘅老公~

2019年11月11日星期一

【香水DIY】99ml自家制專屬香水

11 NOVEMBER 2019(MON)

可以調配一支專屬自己嘅香水,仲可以係樽身鐳射雕刻自己個想要嘅文字,咁好玩就緊係一定要嚟體驗一下,整返支樽香水嚟為自己醒醒神先

2019年11月3日星期日

【試用分享】KORRES乳酪活性益菌護膚系列

3 NOVEMBER 2019(THU)

早前有機會試到源自希臘護膚暢銷品牌 KORRES皇牌嘅地中海野玫瑰維他命 C 美白系列(按此重溫),最近佢地又有新產品推出,就係希臘乳酪活性益菌護膚產品系列啦~

2019年11月1日星期五

【阿豬學整飽】迷你臘味卷&壽桃包工作坊@奇華工作坊

27 OCTOBER 2019 (SUN)

唔知幾時開始小小豬就愛上食臘腸,有一次無意間俾佢知道有得去學整臘腸卷之後,依隻臘腸控就成日都想去整(佢話自己整會更加好味哦)。

其實上年都已經想帶佢嚟整,不過因為太遲知道所以啲班都滿晒冇得去等左一年終於再次開班,今次就快快手上網BOOK位所以終於可以嚟「阿豬整飽」啦~

2019年10月30日星期三

【兩日一夜小旅行】數碼港艾美酒店家庭住宿體驗

26-27 OCTOBER 2019(SAT-SUN)

我地嚟數碼港艾美酒店除左參加Halloween Weekend Brunch(按此重溫),其實我地仲係酒店借宿一宵,開開心心玩左兩日一夜由酒店房間到附近環境都真係絕對唔錯,小小豬就緊係超興奮啦~

2019年10月29日星期二

【Halloween Party Time】Halloween Weekend Brunch@數碼港艾美酒店

26 OCTOBER 2019(SAT)

Halloween就緊係要去開Party玩下,今次我地就應邀嚟到數碼港艾美酒店參加佢地嘅Halloween Weekend Brunch,有得食又有玩左一個開心下午小小豬未開始就已經超級開心啦~

2019年10月25日星期五

【潤肺安神】雪梨淮山杞子圓肉茶

25 OCTOBER 2019(FRI)

踏入秋天真係要特別注意乾燥問題(尤其依隻濕疹豬,真係睇少一陣都唔得呀),所以都真係密密煲多啲滋陰潤肺嘅雪梨水俾小小豬飲

早幾日去藥材店上貨時,店主叔叔又介紹左一個方法俾我雪梨加埋圓肉一齊煲,估唔到又幾夾,我家兩位老細飲完都讚口不絕呀~

2019年10月18日星期五

【健脾開胃】茯苓淮山蓮子瘦肉湯

18 OCTOBER 2019(FRI)

依排小小豬胃口又嚟麻麻,原本就打算煲啲山渣水等佢酸酸地開胃一下。不過係我去買材料嘅時做候,店主叔叔就話山渣唔係人人受得,如果係脾胃弱嘅冇幫助之餘仲傷胃

之後店主叔叔仲教我煲依個有助健脾開胃嘅茯苓淮山蓮子瘦肉湯啦~


2019年10月16日星期三

【健脾補腦】節瓜章魚合桃湯

16 OCTOBER 2019(WED)

早幾日去西貢玩嘅時候,路過碼頭附近見到好多小艇店,八八卦卦咁去望望,就係咁就見到有一包包靚嘅章魚乾,聽好朋友仔講章魚乾都係好有益,所以就入手一包嚟試下煲靚湯。 

係我唔知點煲嘅時做,就當然要去搵高手教路,所以就去問相熟藥材店東主,佢就教我加埋節瓜同埋合桃一齊煲,咁就可以健脾補腦,啱晒我家嘅大小老闆呀~

2019年10月10日星期四

【滋陰潤肺】麥冬雪梨茶

10 OCTOBER 2019(THU)

依家早晚都帶點涼,係漸漸感受到秋意之際,亦都要開始注意乾燥問題,所以又係時候要煲滋陰潤肺嘅雪梨水俾小小豬飲,等佢可以開始打好個底嚟保養一下,咁就唔洗怕佢周身R做隻乾豬咁辛苦啦~

2019年10月8日星期二

【本地小旅行】海洋公園萬豪酒店住宿體驗

4-5 OCTOBER 2019(FRI-SAT)

海洋公園萬豪酒店剛開業嘅時候都同小小豬拍拖嚟食過LUNCH BUFFET(按此重溫),嗰時路過見到靚泳池同個環境,都已經好想帶小小豬嚟住返一晚,之後都成日留意啲酒店網睇下有冇得平平地嚟玩返晚,不過…..始終依啲機會都唔係留俾我依個黑仔王嘅。 

見嚟玩海洋公園哈囉喂全園祭,所以就即刻心癢癢起嚟最後都係忍唔住,係入園玩嘅前一晚經旅遊網APP BOOK返一晚同小小豬嚟感受下啦~

2019年10月7日星期一

【哈囉喂由朝玩到晚】海洋公園全園祭

4 OCTOBER 2019(FRI)

一年一度嘅哈囉喂又開始,有得玩就緊係要快快腳嚟玩一轉,所以當海洋公園全園祭正式開始嘅時做,我地就約埋小小豬兩位至愛嘅姨姨嚟由朝玩到晚啦~

2019年10月2日星期三

【小小豬遊澳門】憤怒鳥遊樂中心@澳門十六浦渡假村之旅

28-29 SEPTEMBER 2019(SAT-SUN)

雖然已經開學一個月,不過去玩係冇分時候嘅,所以心思思就嚟澳門Hea遊一番啦! 

今次我地入住澳門十六浦渡假村,話說小小豬第一次外遊就係陪婆婆一齊去澳門玩,當時我地都係入住依間酒店嘅,所以唔多唔少都帶有少少回憶。當然....嗰時仲係BB嘅小小豬又點會仲記得當中點滴,佢嚟到望到AngryBirds張海報就已經超級期待啦~

2019年9月25日星期三

【清熱補脾】印度椰子蘋果雪耳素湯

25 SEPTEMBER 2019(WED)

前幾日奶奶嚟食飯買左好多生果嚟俾小小豬,見有兩個蛇果就當然又戚起條根想用嚟煲湯

就係咁我就買多粒印度椰子,再加埋雪耳同紅蘿蔔,就嚟一個清熱得嚟又可以補脾,仲要加埋雪耳嘅潤,真係好啱依家天氣飲呢~

2019年9月13日星期五

【滋陰清熱】石斛太子蔘螺片烏雞湯

13 SEPTEMBER 2019(FRI)

小小豬最鍚嘅表姨嚟同我地一齊過中秋節,咁就當然要煲返個靚湯俾佢飲,慰勞下佢成日嚟陪依隻百厭豬玩啦

上幾次都係煲素湯,話晒都係做節就當然要有返少少肉湯嘅但豬肉真係貴到唔敢買,咁就嚟煲雞湯烏雞加埋石斛太子蔘同螺片一齊煲,有滋陰清熱同益胃生津功效添~


2019年9月10日星期二

【補腦兼明目】日月魚節瓜淮山合桃湯

10 SEPTEMBER 2019(TUE)

又嚟大手入左好多煲湯材料,緊係啦....我要煲多啲靚湯俾兩位老細飲,尤其要努力養肥瘦猛猛嘅小小豬先得嘛

係買左咁多材料都唔知煲咩好嘅時候,店主叔叔就教我先嚟煲日月魚,仲教我加埋節瓜淮山合桃一齊煲湯,啖湯超甜又正氣,最重要係可以補腦兼明目,啱晒剛剛開學嘅小小豬呀~

2019年9月6日星期五

【大富翁迷的興奮】MONOPOLY BUFFET@帝京酒店

6 SEPTEMBER 2019(FRI)

熟小小豬嘅朋友都知道佢係一位不折不扣嘅大富翁控,屋企有嘅大富翁遊戲加加埋埋都有成10盒。其實....看似盒盒都係一樣,不過小小豬總係話好唔同,每盒嘅玩法都各有樂趣(佢仲叫我話遲幫佢拍片同大家分享哦)。既然佢鐘意我又覺得大富翁遊戲係益智得嚟又好啱一家大細齊齊玩,所以...就由佢變成一名大富翁痴啦...哈哈哈

知道帝京酒店今期嘅自助晚餐係以大富翁為主題,咁就當然要帶依個小粉絲嚟潮聖開心一番啦~

2019年8月30日星期五

【健脾潤肺】蟲草花雪耳粟米紅蘿蔔素湯

30 AUGUST 2019(FRI)

排啲豬肉真係勁貴,上星期買少少肉嚟滾魚湯,同一價錢都只係得返平日嘅一半份量,攪到真係唔敢再買嚟煲住但.....湯就一定要照煲俾我家兩位老細飲,所以係嚟煲個靚素湯

到左立秋依個氣節(雖然天氣都仍然好熱),要多飲滋陰潤肺嘅湯水。咁煲雪耳就最啱,加埋蟲草花粟米紅蘿蔔一齊煲,就可以既好味又係健脾潤肺嘅靚湯啦~

2019年8月29日星期四

【砌完LEGO又打機】LEGO Hidden Side™發佈會

29 AUGUST 2019(THU)

對於一向鐘意砌LEGO嘅小小豬嚟講,可以嚟參加全新系列嘅LEGO Hidden Side™發佈會佢就已經好開心,當知道係嚟體驗LEGO首次融合虛擬同現實嘅AR新玩法時佢就仲興奮,因為可以明正言順咁打機嘛...哈哈哈~

2019年8月23日星期五

【BDuck陪你去歎茶】B.Duck & Buffy 茶樓

23 AUGUST 2019(FRI)

今個暑假小小豬去左兩次B.Duck玩水樂園,之後又住過B.Duck主題房間依隻豬仔對B.Duck可以話去到迷戀程度

早幾日見朋友仔分享左B.Duck嘅可愛點心相,睇見都真係即刻超心動,好想帶小小豬嚟等佢開心一下,所以就趁好姊妹約我為小小豬慶祝生日時,就嚟「德記茶樓」朝聖,食個鴨仔午餐啦~ 

2019年8月21日星期三

【任食生蠔做午餐】Hotel Panorama自助午餐

21 AUGUST 2019(WED)

今日朋友仔約左我同小小豬嚟隆堡麗景酒店食左一個超豐富嘅午餐,嚟到真係超興奮,因為有生蠔同長腳蟹做午餐,絕對係超邪惡呀...哈哈哈~  

2019年8月17日星期六

【學習環保境及勇敢】有意思的音樂劇《北極熊小奀仔》

16 AUGUST 2019(FRI)

平日叫小小豬入戲院睇電影佢都十萬個不願意,但一話帶佢去睇舞台劇佢就即刻話想去,原因係.....佢話睇見啲表演者係台上感覺好啲又會投入感大啲

難得佢鐘意,咁我地就嚟睇一套大小朋友都啱嘅合家歡音樂劇《北極熊小奀仔》啦~

2019年8月15日星期四

【試用分享】ERiiS 髮囊逆齡防脫髮洗護系列

15 AUGUST 2019(THU)

脫髮對我嚟講都係一個大問題,每朝梳頭都一定會甩好多頭髮。當公關哥哥問我有冇興趣試用有7日救髮神水之稱嘅意大利防脫頭髮洗護品牌ERiiS,聽到就當然係好想試你知啦....每日屋企掃地都有好多我嘅頭髮,真係既麻煩又困擾呀~

2019年8月12日星期一

【鴨仔陪豬過生日】B.Duck 樂活無窮@如心南灣海景酒店

10-11 AUGUST 2019(SAT-SUN)

今年生日小小豬就有好多B.Duck鴨仔陪佢,因為我地嚟左如心南灣海景酒店嘅「B.Duck 樂活無窮」主題住宿計劃,三口子開心又舒服咁過左兩日一夜呀~

2019年8月7日星期三

【益肺健胃】青紅蘿蔔蟲草花螺片湯

7 AUGUST 2019(WED)

青紅蘿蔔湯絕對係我嘅一個情義結,當然除左有意思之外,簡單易煲又好飲都係一個非常重要因素,所以我煲青紅蘿蔔嘅次數絕對係最多嘅。

當然...好飲都唔可以成日都一樣嘅(我家中兩位老細都幾難服待...哈哈哈),就係咁我成日周圍請教朋友有咩好配搭,今次又學到新嘢,將青紅蘿蔔加蟲草花同埋螺片一齊煲湯,既可以益肺健胃,又可以增強免疫力,而且個味道都真係好好飲添呀~

2019年8月5日星期一

【試用分享】Infinity草本潔面乳

5 AUGUST 2019(MON)

係扮靚方面其實我都幾懶,好多時都只係簡簡單單咁塗下防晒就出街,真係要有目的先會化妝打扮

不過我都知道懶極都要做好洗護係非常重要,因為如果皮膚清潔得不乾淨,往後的護膚品便難以吸收,咁就會令皮膚有機會惡化,年紀大啦...一定要好好留意依一點嘛!

今次就有機會試用了Infinity草本潔面乳,除左可以啱我依啲敏感皮膚用之外,仲可以一次過可以卸防曬、Base等輕盈嘅彩妝,一支兩用好似幾方便哦~

2019年8月2日星期五

【突如期來的小慶祝】小小豬農曆生日

2 AUGUST 2019(FRI)

有個小朋友今日成朝都係度古古怪怪,間唔中又係度自言自語話咩...蛋糕。我睇見到都真係有啲唔對路終於忍唔住問佢究竟係咩事依隻傻豬最後怕怕羞羞咁話......原來今日係佢嘅農曆生日哦~

2019年7月28日星期日

【小店好玩DIY】笠笠咖啡畫花DIY

28 JULY 2019(SUN)

早前公關哥哥介紹左一個地方俾我同小小豬,有得DIY體驗咖啡畫花之外,Like左相關Facebook專頁之後,仲有好得意嘅卡通蛋白餅送。

雖然小小豬就唔飲咖啡,不過聽到有得DIY佢都好有興趣想玩下,就係咁我地就約埋姨姨去玩一個下午啦~

2019年7月27日星期六

【試用分享】dokiPal兒童智能手錶

27 JULY 2019(SAT)

係小小豬嘅概念暑假就係要日日出去玩,佢話要輕鬆返下哦(所以我成日都話佢放假我就十級忙),出街玩就緊係開心不過亦都會帶點擔心,尤其係得我同小小豬兩個去街嘅時候,我真係會連去洗手間都唔敢我認.....我係一名驚青媽媽。

其實之前小小豬都有用過一隻智能手錶,所以都有一大段時間我都減少左個擔心。不過,依隻粗手粗腳嘅小小豬一不小心就跌左落水,就係咁.....就冇左依個安全保障

剛好係放暑假前收到公關姐姐送俾小小豬嘅禮物 - dokiPal兒童智能手錶,絕對係啱晒日日要去玩嘅小小豬呀(其實...好似係啱我多啲)~

2019年7月26日星期五

【試用分享】DR.KONG揀開學孖寶

26 JULY 2019(FRI)

雖然仲有一個月先返學,不過都要係時候為小小豬準備開學孖寶,所以就嚟DR.KONG揀返啲啱身嘅返學鞋同護脊書包~

2019年7月23日星期二

【試用分享】MOSPRO蚊專家驅蚊衣物柔順劑

23 JULY 2019(TUE)

衣物柔順劑都可以驅蚊?係就好啦…咁就唔洗次次出街都要記住做好防蚊措施。
雖然我都有用開其他防蚊產品,不過好多時我都唔記得或者唔夠小小豬快手去玩,所以成日都係帶左冇用

MOSPRO蚊專家驅蚊衣物柔順劑我上網睇佢嘅介紹都係好簡單而且口碑都唔錯,所以我都好期待今次嘅試用,當收到產品就緊係即刻要開始用啦~

2019年7月18日星期四

【補腦提神】羊肚菌姬松茸栗子紅蘿蔔素湯

18 JULY 2019(THU)

依排日日同小小豬去街都冇咩時間煲湯,又係時候要做返一個賢妻良。但行街市時都聽到話啲豬肉仍然好貴,所以都真係唔太敢買豬肉嚟煲湯住所以依個時候又係時候要嚟一個素湯

剛好有朋友介紹左依個好清甜嘅素湯俾我可以增強免疫力之餘,又可以補腦提神,啱晒我家兩位老細飲最好就係屋企又有齊晒材料,咁就唔洗諗即刻快快手煲啖靚湯飲下啦~

2019年7月7日星期日

【消暑袪濕】荷葉冬瓜茶

7 JULY 2019(SUN)

今日行街市買餸時都只係打算懶懶地滾個冬瓜湯,咁就可以又有湯飲之餘又可以當一個簡單餸嚟食

但後來發現原來今日係小暑,菜檔姨姨就溫馨提示要煲返個咁消暑茶所以最後我就改左煲依個消暑袪濕嘅荷葉冬瓜水,等我家兩位老細消消暑啦~

2019年7月6日星期六

【開心暢食自助餐】大馬滋味台灣風@港島太平洋酒店

6 JULY 2019 (SAT)

暑假MODE繼續開動,小小豬緊係日日要去玩今日我地中午就先去上環一帶周圍行下,去醫學博物館睇下之後夜晚我地就去左港島太平洋酒店食自助餐,嚟一個開開心心嘅星期六~

2019年7月4日星期四

【清熱袪濕】粉葛赤小豆扁豆豬骨湯

4 JULY 2019(THU)

依排個人都好易倦兼周身唔舒服,可能因為晚晚開冷氣瞓攪到個人濕氣重影響所以又係時候要煲返個袪濕湯水飲下

上次煲牛大力土伏苓粉葛豬骨湯都唔錯(按此重溫),不過今日濕貨店就冇靚土伏苓買(咁唔靚就緊係唔買啦,唔好浪費心機嘛),所以就嚟一個簡單啲粉葛赤小豆扁豆豬骨湯,可以袪濕之餘仲可以熱添~

2019年7月1日星期一

【兩日一夜狂玩迎暑假】嘉湖夏「逸」涼浸浸

29-30 JUNE 2019(SAT-SUN)

由考完試開始小小豬都已經開著個放假MODE,日日都半天假嘅佢一放學見到我嘅第一句都係問:今日我地去邊度玩呀係唔玩都唔安樂情況下,真係可以用超級無敵勁忙嚟形容我就啱

每日玩我都已經好開心,今個週未就可以用超興奮嚟形容小小豬,因為我地應邀嚟嘉湖海逸酒店率先體驗佢地為暑假推出嘅「嘉湖夏「逸」涼浸浸」,有玩水之餘仲可以學做小廚師,今次仲唔係兩日一夜狂玩迎暑假~

2019年6月28日星期五

【試用分享】Elastoplast易理妥除疤系列

28 JUNE 2019(FRI)

膠布可以話係我屋企必備同埋用得最多嘅用品,因為依個怕血嘅小小豬一見到自己或者我地有丁點流血時,佢都會即刻幫我地貼膠布(美其名就係幫我地處理傷口,但其實係唔想見到啲血...哈哈哈) 

我就一向都用開易理妥一系列嘅膠布,但原來佢地除左推出膠布之外,今次聽公關姐姐介紹先知原來仲有傷速癒防疤膏同埋褪疤貼,再加埋特強防水膠布,咁就形成左傷口除疤3步曲~

2019年6月19日星期三

【提高免疫力】蟲草花螺頭節瓜瘦肉湯

18 JUNE 2019 (TUE)

行街市見到好靚嘅節瓜,咁就加埋蟲草花同乾螺頭一齊煲,等兩位老細提高免疫力。咁....依排嘅天氣真係陰晴不定,一時又落大雨,一時又出太陽,咁又真係好容易令人病,佢地一病我就慘啦,所以要趁依家打好個底嘛~

2019年6月16日星期日

【鴨仔陪住去玩水】小欖xB.Duck夏日沙灘營火會

16 JUNE 2018(SUN)

父親節舅父仔話嚟個特別啲嘅慶祝活動,咁係咁提意去BBQ玩返一個下午。由於要就住係屯門嘅表妹仔所以就去左小欖燒烤樂園BBQ

我同小小豬都係貪玩之人,咁就緊係即刻話好,所以同埋公公、姨姨、表姨仲有表妹仔,一行八大一BB嚟剛好依家開始有得玩水,咁就係未開始BBQ就俾小小豬佢地兩父子入去玩返轉啦~

2019年6月15日星期六

【為DADDY慶生日】東海堂鐵人蛋糕

15 JUNE 2018(SAT)

Daddy生日都唔想去做任何慶祝活動(你懂的),但小小豬都為左佢至愛嘅Daddy早幾日就已經訂左一個蛋糕,為左唔好浪費小小豬心意,所以今年就簡簡單單三口子食個蛋糕啦~

2019年6月13日星期四

【返古代去打工】穿越事業所@奧海城

13 JUNE 2019 (THU)

小小豬依個古代LOOK係咪加多幾分書卷味呢?其實小小豬係嚟奧海城嘅穿越事業所體驗下返古代去打工呀~

2019年6月2日星期日

【為努力打打氣】驚喜大富翁蛋糕

2 JUNE 2019 (SUN)

考試將至就當然要努力溫習,不過係適當嘅時候都要抖一抖先得,咁就嚟小驚喜為小小豬打打氣啦

一個小小豬一向都係大富翁控,佢見到依個蛋糕又點會唔興奮開心呢~

2019年5月30日星期四

【滋補長高】太子參淮山田七瘦肉湯

30 MAY 2019 (THU)

一啲所謂嘅親戚朋友每次見到小小豬都總係會話「仲乜佢咁瘦呀?」「仲乜佢咁細粒呀?」「佢依家係咪讀緊一年班?」,真係俾佢地講到我好似刻薄自己個仔咁仲,雖然我已經成日同自己講「我點湊又關佢地乜事?總之我自己知我照顧得豬仔好好就得,個仔精靈聰明就。但.......老實講聽到有時都會十級嬲呀!

唔知點解隻豬仔食極都好似唔多吸收,所以我都好努力咁周圍搵下有冇啲食譜可以幫到手。就係一次同去相熟藥材店入貨時,同店主叔叔傾開,佢就教我煲依個太子參淮山田七瘦肉湯,可以滋補强壯同時又有助長高而且對脾胃功能弱,身材偏矮及偏瘦小朋友很有幫助。

一聽到咁就緊係即刻執返份材料試下煲俾小小豬飲啦~