2019年1月29日星期二

【開心密密食】上海姥姥賀年新菜式

29 JANUARY 2019 (TUE)

食得是福....所以我地唔理咁多食完先算(咪就係咁…我越嚟越肥囉),今次就嚟上海姥姥試下佢地為左新年推出嘅賀年菜式~

2019年1月25日星期五

【提高抵抗力】虎乳靈芝蟲草花鱷魚肉煲烏雞湯

25 JANUARY 2019 (FRI)

依排啲病菌真係好勁,除左要小小豬返學帶口罩保護自己之外,都要煲啲比較補嘅湯水,咁先可以提高免疫力,冇咁易病嘛

依個時候小小豬公公就為我準備左一隻烏雞(即係竹絲雞),叫我煲靚湯俾佢個寶貝孫飲,就係咁....我就虎乳靈芝蟲草花鱷魚肉一齊煲,咁就可以補肺、強肺、潤肺三合一啦~

2019年1月23日星期三

【試用分享】Kiehl's Ultra Facial 特效保濕系列

23 JANUARY 2019 (WED)

Kiehl’s嘅特效保濕乳霜相信好多朋友仔都聽過,佢贏取了逾70項國際美容大獎,獲全球超過200,000用家推薦,並全球每分鐘售出10 瓶。最近仲推出左革新配方,全新升級版特效保濕系到,啱晒依家超勁乾嘅皮膚,真係好想即刻快啲感受下呀~

2019年1月19日星期六

【打保齡球兼食自助餐】南太平洋派對@Tikitiki Bowling Bar

19 JANUARY 2019 (SAT)

有得打保齡球、食自助餐、參加工作坊,仲有一系列嘅表演同小朋友互動遊戲時間,只係聽到覺得好節目非常豐富,咁就當然要帶小小豬嚟親身體驗一下,玩過痛快啦~

2019年1月15日星期二

【滋潤養顏】蘋果雪梨雪耳無花果瘦肉湯

15 JANUARY 2019 (TUE)

依排都真係好乾燥,望到小小豬個咀仔都開始乾乾,所以就諗起要煲返個滋潤湯等佢可以潤返下。見屋企仲有半包雪耳係度,所以就嚟煲蘋果雪梨雪耳無花果瘦肉湯啦~

2019年1月14日星期一

【尋找合適粉底】COVERMARK專門店體驗

14 JANUARY 2019 (MON)

話說我平日用開嘅粉底都差唔多用完,係時候又要再去入貨,聽朋友仔介紹COVERMARK嘅粉底都唔錯,所以今日就嚟到九龍灣店睇下有冇啱心水啦~

2019年1月12日星期六

【寓學習於娛樂】DIY鐳射切割賀年糖果盒

12 JANUARY 2019 (SAT)

新年將至小小豬就已經叫我為佢準備啲賀年糖果,仲叫我搵一個小盒嚟放佢嘅糖果,等佢用嚟接待佢嘅客人。剛好收到DIY鐳射切割賀年糖果盒工作坊邀請,既可以自己設計又可以學習STAM原理,所以就同小小豬嚟試下整返個靚靚糖果盒啦~

2019年1月10日星期四

【健脾明目】淮山杞子龍眼肉煲日月魚湯

10 JANUARY 2019 (THU)

日月魚對眼睛好,加上佢嘅價錢又唔係好貴,最重要係小小豬都好肯飲日月魚湯,咁我就當然係密密煲多啲,希望四眼豬嘅近視唔好加深(唉...佢依個年紀剛好係發育期,真係令我有點擔心呀)

今次去入貨時同店主叔叔傾開,佢就教左我煲食個淮山杞子龍眼肉煲日月魚湯,既可以健脾胃,又有助明目,兩樣都好似幾啱小小豬(最好就係超易煲..哈哈),所以就買齊材料煲靚湯俾我嘅豬大少飲啦~

2019年1月7日星期一

【有營靚湯】南瓜蕃茄紅蘿蔔三文魚湯

7 JANUARY 2019 (MON)

行過超級市場見到店員剛剛將三文魚骨放上架,咁剛好又唔知煲咩湯好,所以就買左一份嚟好味又有營養嘅南瓜蕃茄紅蘿蔔三文魚湯啦~

2019年1月5日星期六

【小丸子花輪陪你做糕】櫻桃小丸子新春工作坊@奇華工作坊

5 JANUARY 2019 (WED)

小小豬平日可以睇嘅電視節目唔多,櫻桃小丸子卡通片就係其中一個,所以佢都好鐘意小丸子,當知道我地嚟奇華工作坊整小丸子蘿蔔糕時,佢都不知幾興奮。

今日返完童軍之後就以九秒九飛車嚟見佢偶像呀~

2019年1月2日星期三

【消燥潤肺】雪蓮果椰棗海底椰瘦肉湯

2 JANUARY 2019 (WED)

依幾日行街市都見到好多肥嘟嘟嘅雪蓮果,經店主姨姨強力介紹,仲話雪蓮果好有益,可以增強免疫力...降血壓...(下刪好多我都唔記得佢講嘅益處..哈哈)。

我一聽到可以增強免疫力就即刻唔洗諗就入手一個(依家啲忽冷忽熱天氣,真係少啲免疫力都怕小小豬會易病呀),之後店主姨姨仲教我煮依個既可以消燥潤肺、清心降火同埋增強免疫力嘅雪蓮果椰棗海底椰瘦肉湯啦~