2019年8月21日星期三

【任食生蠔做午餐】Hotel Panorama自助午餐

21 AUGUST 2019(WED)

今日朋友仔約左我同小小豬嚟隆堡麗景酒店食左一個超豐富嘅午餐,嚟到真係超興奮,因為有生蠔同長腳蟹做午餐,絕對係超邪惡呀...哈哈哈~  

其實係朋友仔知我鐘意食生蠔,佢話見網上訂購有八折,所以就帶我同小小豬嚟食一個慶祝生日,俾機會我狂食生蠔~

未開始食就已經勁好FEEL,因為我地係位於38樓嘅AVA Restaurant Slash Bar今日剛好個天好清,所以望出去個VIEW係勁正,所以邊食邊望都好RELAX,小小豬都不停望住個窗睇風景~

由於餐廳主打係西廳,雖然食物方面就唔算好多,不過每款個味都唔差,生蠔、長腳蟹、翡翠螺絕對係值回票價。而且佢地回食物都幾密,所以唔洗急...慢慢食都長食長有呀~

生蠔絕對係我主打嘅,雖然唔算好大隻,不過每粒都好鮮甜,所以我忍唔到口了。小小豬話佢幫我計過我依左大大話話有十幾粒呀...呵呵呵~

唔食得海鮮嘅小小豬就對個烤牛仔扒情有獨中,佢一個人仔食左兩大片添呀~

熟食方面都有幾款選擇~

可能依以西式為主,所以啲沙律同冷盤肉類都係有啲唔同,三款都好有特式呀~

小小豬話依個忌廉湯好好飲哦~

小小豬話對住個好風景食,心情同胃口都大增呀~

我就主攻海鮮都食到勁飽,小小豬除左食好多烤肉之外,我地仲加左$98升級左芝士長通粉俾佢做主菜添~

食飽飽再食埋杯餐飲,再同朋友仔邊傾計邊食甜品真係好滿足呢~

傾計就交俾我地兩個大人,小小豬就密密去甜品吧拎蛋糕甜品食啦~

當然唔少得佢最愛嘅雪糕啦~

唔覺唔覺我地就由十二點食到兩點幾,如果唔係因為小小豬留意到差唔多夠鐘要我地離開,我諗我地兩個大嘅都傾到唔願走

不過係個環境咁正嘅情況下,唔願走都係正常嘅...哈哈哈。下次搵個機會要再嚟,到時三口子齊齊嚟睇住個夜景食DINNER,相信一定仲好FEEL呀!


沒有留言:

發佈留言