2019年10月8日星期二

【本地小旅行】海洋公園萬豪酒店住宿體驗

4-5 OCTOBER 2019(FRI-SAT)

海洋公園萬豪酒店剛開業嘅時候都同小小豬拍拖嚟食過LUNCH BUFFET(按此重溫),嗰時路過見到靚泳池同個環境,都已經好想帶小小豬嚟住返一晚,之後都成日留意啲酒店網睇下有冇得平平地嚟玩返晚,不過…..始終依啲機會都唔係留俾我依個黑仔王嘅。 

見嚟玩海洋公園哈囉喂全園祭,所以就即刻心癢癢起嚟最後都係忍唔住,係入園玩嘅前一晚經旅遊網APP BOOK返一晚同小小豬嚟感受下啦~

其實都真係好方便,落車後行過一條小天橋就到啦~

酒店周圍都係好新同乾淨,整個環境都唔錯,大堂那個大魚缸,絕對係一大亮點~

CHECK-IN都唔係等太耐(可能我早啦…哈哈),職員姐姐同到小小豬同行仲送左份小禮物俾佢添~

我地都係入住普通嘅雙人房,金金但整體感覺都係舒服嘅,同埋設施都齊存嘅如果....可以為小朋友準備多一啲兒童用品(好似浴衣...拖鞋…)咁就會更加好了~

小小豬最鐘意玩依個浴室簾,當然就一定會睇實,大人沖涼嘅時候就唔俾佢開啦~

今次我地真係好幸運房間個VIEW真係超級正,可以望到成個靚靚泳池呀~

第一日其實我地就主要入園玩,第二朝一早瞓醒就當然要去酒店嘅最大賣點(我個人認為)....靚泳池泳玩啦~

小小豬由一入到酒店就已經泳池掛在口邊,所以佢一嚟到就二話不說走入兒童池玩餐飽。其實都真係幾正嘅,小小豬係入面都玩得不知幾ENJOY~

除左兒童池之外另外仲有兩個1.2米深嘅游泳池,學識游水嘅小小豬就當然又要扮叻去游返轉啦~

游都攰就嚟按摩池歎下先~

場內仲可以任玩浮板、水泡等水上用具,好貼心呢~

酒店仲有一個兒童活動室,不過地方都細細地,感覺都係比較啱幼小嘅小朋友(場內太多其他小朋友,唔方便影個環境相)~

小小豬塗完一張顏色之後就嘈住要走了。其實都有一啲萬勝節手作仔工作坊,不過就需要額外收費($60-$100),感覺又好似有點……… ~

雖然今次就撞唔到暑期嗰啲九百蚊咁平(我今次要$13XX),不過當係海洋公園哈囉喂全園祭玩到好夜兼攰到冇朋友嘅時候,可以行過隔離返酒店即刻休息,成個感覺都真係幾爽哦!


沒有留言:

發佈留言