2019年10月29日星期二

【Halloween Party Time】Halloween Weekend Brunch@數碼港艾美酒店

26 OCTOBER 2019(SAT)

Halloween就緊係要去開Party玩下,今次我地就應邀嚟到數碼港艾美酒店參加佢地嘅Halloween Weekend Brunch,有得食又有玩左一個開心下午小小豬未開始就已經超級開心啦~

一嚟到Prompt餐廳就見到Halloween大南瓜,即刻令小小豬個興奮度急升呀~

雖然係Brunch,不過食物種類都幾多呀~


咁多食物就一定好吸引,但小小豬第一時間就去左甜品區睇,因為佢話一系列嘅萬聖節主題甜品好靚又得意。不過...其實唔止靚,佢個味道都好好食,小小豬樣樣都食啲,仲話依個慕絲啫喱同巫婆手指係最好食~

當然唔少得Brunch入面嘅一系列食物,見到有生蠔、長腳蟹都已經超吸引,我都真係食左唔知幾多隻啦~

刺生同壽司都好新鮮呀~

我自己都好鐘意佢地嘅沙律菜,種類都算多之外,仲有我勁愛嘅黃椒呀~

熟食方面種類都幾多呀~

當然唔少得小吃同生果啦~

兩款口味益力多任飲,小小豬絕對係心心眼呀~

仲有果汁都係任飲呀~

萬聖節又點少得南瓜,仲要係一個大大嘅南瓜。其實依個係一個南瓜湯嚟,我地拎完食物之後,廚師叔叔就嚟為我地加湯啦~

湯怪豬都話依個南瓜湯好好飲,仲叫我去同廚師學習,之後煮俾佢飲哦~

好啦...我地都開始密密食,因為食飽飽就可以去Halloween Party啦~ 

甜品方面仲有我同小小豬分別鐘意嘅朱古力噴泉同Haagen Dazs雪糕,真係太美好了~

食飽飽之後我地就去餐龐預備好嘅遊樂區舉行Halloween Party,有小小豬好鐘意睇嘅魔術表演~

仲有扭波波,魔術哥哥仲扭左把槍俾小小豬添~

之後就嚟一個水晶球DIY Workshop,一個簡簡單單嘅手工,製成品除左令零藝術天份嘅小小豬充滿成功感之外,個完成品又真係幾靚,望住水晶球真係好治癒呀~

仲有Face Painting~

原本姐姐話幫佢畫個超人面,不過小小豬點都唔肯,最後就係手上畫了一個南瓜仔。真係錯有錯著,依個南瓜仔又畫得唔超靚,姐姐真係好功力呀~

最後就嚟一個“Trick or Treat”尋寶遊戲,要係酒店唔同地方搵六個Checkpoint,然後蓋印仔~

鐘意尋寶嘅小小豬就當然非常鐘意依個活動,基本上佢自己睇住個提示,話咁快就搵齊晒可以去換小禮物啦~

小小豬收獲不知幾豐富,兩隻手都拎唔晒佢嘅戰利品呀~

食飽飽又開完Halloween Party,我地就係餐廳休息一陣,再去戶外草地玩~

我地就係去數碼廣場戶外大電視欣賞萬聖節電影放映會,坐係草地吹住風邊睇電視….So Relax~

再一次謝謝公關姐姐邀請,我地就開開心心玩左一個下午,小小豬就當然係超級開心其實餐廳唔止食物拎滿分,周圍環境都非常唔錯,所以我自己都好Enjoy

除左參加Halloween Weekend Brunch之外,我地仲係酒店借宿一宵,由酒店房間到附近環境都真係絕對唔錯,等我遲少少再同大家分享啦



More Information : 


沒有留言:

發佈留言