2019年11月27日星期三

【養陰潤燥清肺熱】雪梨乾玉竹淮山茶

27 NOVEMBER 2019(WED)

依排啲天氣真係攪到成日喉嚨同皮膚都好乾乾咁,所以又係時候煲返啲滋陰嘅涼茶先得

剛好早排都係藥材店入手左一啲煲湯料,打開寶箱就見到一大包雪梨乾,所以就加埋玉竹同淮山一齊就係咁就嚟一個...養陰潤燥兼清肺熱嘅雪梨乾玉竹淮山茶啦~

雪梨乾一両、玉竹半両、淮山一両、南北杏一湯匙及蜜棗兩粒~

將所有材料浸洗一陣,然後隔水備用~

煲內放1.5L水,待水滾後加入所有材料~

待再次水滾後,用大火加蓋煲約15分鐘~

然後轉慢火加蓋煲多35分鐘~

簡簡單就煲好,可以飲啦~

以下係各食材嘅功效,可以參考一下(網上資料) 

雪梨乾 - 具生津潤燥、清熱化痰之功效,雪梨本身屬寒涼之物,但雪梨乾經過烤焗後反而潤而不寒。 

玉竹 - 補而不膩,不寒不燥,故有 "補益五臟、滋養氣血、平補而潤、兼除風熱" 之功。 

淮山 - 健脾開胃,其他好處為治療久泄久痢、肺氣虛燥、及消渴尿頻等症。 

南北杏 - 可止咳下氣,潤燥消積。 

蜜棗 - 止咳潤肺、化痰平喘功效。 


溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!



沒有留言:

發佈留言