2020年4月26日星期日

【小小豬廚房】氣炸菠蘿

26 APRIL 2020(SUN)

早前宅在家嘅時候,行超市見到有小型菠蘿,咁又醒起之前有FB谷友介紹過用嚟整甜點,所以就買嚟同小小豬齊齊嚟一次氣炸菠蘿做下午茶~

2020年4月24日星期五

【小小豬廚房】400次咖啡

23 APRIL 2020(THU)

話說早排買齊材料想整400次超咖啡,經過四次努力我終於都成功,之後小小豬又話想試整,既然佢想整我就當然非常配合,俾佢嚟一個400次咖啡啦~

2020年4月17日星期五

【清熱解毒又袪濕】龜板土茯苓瘦肉湯

17 APRIL 2020(FRI)

早幾日去藥材店入貨時,見到店主姐姐處理緊啲龜板,咁我就當然八八卦卦一下,因為成日聽見啲朋友介紹話濕疹飲龜板都唔錯,不過我就怕唔識處理,所以就一直卻步。

經店主姐姐講解,原來龜板都唔難處理,洗乾淨用薑水汆水就得。而且龜板主功能就係陰,如果加埋土茯苓就可以做到解毒袪濕,所以就好啱濕疹或者皮膚唔太好嘅朋友飲。

處理唔難,又啱隻濕疹豬飲,所以就請姐姐幫我執一份材料,煲依個龜板土茯苓瘦肉湯啦~

2020年4月16日星期四

【小小豬廚房】氣炸 藍莓乳酪鬆餅

15 APRIL 2020(THU)

宅在家中都總係要攪啲嘢同小小豬攪攪陣一番,想同佢整蛋糕好耐,不過無奈地屋企附近嘅所有超市都嚴重缺貨,終於忍唔住搵一日出車去左上海街快閃一轉,買齊材料就可以開工啦!

第一次整就嚟啲簡單又易整嘅 藍莓乳酪鬆餅,用鮮藍莓整兼即焗即食又真係特別好食哦~


2020年4月10日星期五

【清熱潤肺】菜乾羅漢果陳腎瘦肉湯

9 APRIL 2020(THU)

尋日煲涼茶開左半個羅漢果,咁就當然最好趁仲新新地快快手用埋佢(唔好浪費食材嘛)。個腦突然閃過菜乾嘅畫面,咁羅漢果、菜乾同埋陳腎個味又係好夾嘅,所以就開工煲嚟飲,當然除左好飲之外,依個湯仲有助清熱兼潤肺,好啱依個時候飲呀~

2020年4月3日星期五

【健脾化濕】五指毛桃杞子圓肉瘦肉湯

3 APRIL 2020(THU)

依排天氣濕濕笠笠總係好易令人攰攰咁,做咩都冇乜心情,我估都應該係濕氣所致所以就去請教藥材店姐姐,佢就教我煲以五指毛桃為主嘅湯,除左有助祛濕之外,仲有安神強肺同健脾胃嘅功效,啱哂一家大細飲

有咁多好處就當然要快快手執返一份材料,煲啖靚湯三口子飲啦~