2020年12月26日星期六

【明目潤肺】日月魚蟲草花節瓜豬骨湯

26 DECEMBER 2020(SAT)

我最擔心嘅就一定係小小豬嘅近視情況,所以屋企一定會入手大量日月魚以備不時之需。

尋日係雜誌睇到一位醫師嘅專欄分享左依個日魚月湯,既可以明目潤肺,又可以下火,屋企又有齊啲煲湯料,咁就又嚟試下煲日月魚蟲草花節瓜豬骨湯啦~

節瓜三個、陳腎兩隻、日月魚約一両、漳州雪耳一両、蟲草花一両、淮山一両、豬骨約$50~

日月魚洗淨後浸至軟身~

陳腎浸至軟身後然後切塊~

蟲草花浸軟身之後,然後要擠乾水份~

雪耳浸透至軟身,然後剪去硬蒂洗乾淨~

淮山浸洗一陣~

節瓜刮去外皮~

豬骨洗淨汆水~ 

煲內放約3L水,待水滾後加入所有材料~ 

待滾起後,繼續用大火加蓋煲約15分鐘~

之後轉慢火加蓋煲多1.5小時~

最後加鹽調味,就可以飲得啦~

記得唔好漏左啲煲湯料,最後節瓜同豬骨煲完湯都好好食呀~

以下係各食材嘅功效,可以參考一下呀(網上資料): 

節瓜 - 有清熱解毒、清暑利尿及消腫等功效。 
陳腎 - 有養胃生津、消食健脾、潤肺祛燥的作用。 
日月魚 - 有醫治眼疾、明目、補腎益肝、養顏美髮功用,含有豐富蛋白質、磷、鐵、碘及鈣質,所以對調節人體代謝平衡及促進生長都有一定幫助。 
漳州雪耳 - 有助潤肺、潤膚同養顏嘅功效。
蟲草花 - 含有豐富蛋白質、氨基酸以及蟲草素、甘露醇、SOD、多糖類等成分,能夠綜合調理人機體內環境,對增強和調節人體免疫功能、提高人體抗病能力有一定的作用。
淮山 - 有健脾胃,補益肺氣,滋腎固精。 


溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!
- 雖然雪耳係好味又有益,不過都要再提多大家煲過嘅雪耳一定要即日食/飲晒,如果隔夜,經過一夜嘅浸透,佢就會放出一啲有害物,到時就有益變有害啦!


沒有留言:

發佈留言